Të paktën 12 persona, përfshirë edhe katër fëmijë, kanë humbur jetën pas shpërthimit të zjarrit në një ndërtesë në Bronx të Nju Jorkut.
Prefekti i Nju Jork City, Bill de Blasio, tha për media se kjo është tragjedia më e madhe e zjarrit në këtë qytet.
Më shumë se 170 zjarrfikës janë ballafaquar me zjarrin, raporton FOX5 New York.
Autoritetet nuk kanë bërë të ditur identitetin e viktimave, ndërkohë që dhjetëra persona tjerë të plagosur janë evakuuar.
Zjarri, i cili është vënë nën kontroll, shpërtheu gjatë natës së kaluar.
Zyrtarët thonë se shkaktar i shpërthimit të zjarrit është rrjedhja e gazit, ndërkohë që hetimet janë duke vazhduar.
