Zidane: Tottenhami është kundërshtar i fortë, shpresojmë t’i fitojmë tri pikët

Zinedine Zidane ka folur në konferencë për shtyp para ndeshjes që skuadra e tij, Real Madridi, e zhvillon nesër (e martë) ndaj Tottenham Hotspur në kuadër të grupeve në Ligën e Kampionëve.

Mbretërit i presin Spursat në Santiago Bernabeu në ndeshjen e tretë të vlefshme për grupet e Ligës së Kampionëve.

Trajneri francez i Realit iu referua ndeshjes dhe analizoi stilin pozitiv në shtëpi, teksa theksoi se dy skuadrat dëshirojnë ta fitojnë ndeshjen.

Lexo po ashtu Pochettino: Shkojmë në Real Madrid për të fituar  

“Është e vështirë për të gjithë, jemi gjithmonë të ngazëllyer dhe dëshirojmë të konkurrojmë mirë dhe jemi këtu për të arritur gjëra të mëdha”, ka thënë fillimisht Zidane.

“Kundërshtar jonë është i fortë dhe kjo na motivon më shumë”.

“Është gjithmonë një provë për ne kundër çdo skuadre. Tani kemi dy ndeshje kundër Tottenhamit”.

Lexo po ashtu Kompletohet Real Madridi, 11 kampionë gati për Tottenhamin

“Nesër është finalja e parë e grupit pasi të dyja skuadrave kanë të njëjtat pikë”.

“Do të jetë një ndeshje e mirë për këdo që i pëlqen futbolli dhe shpresojmë që të fitojmë tre pikë”, përfundoi trajneri i Realit. /Telegrafi/