Zidane: E rëndësishme fitorja ndaj Eibarit, tani fokusi është te Liverpooli

Trajneri i Real Madridit, Zinedine Zidane ishte i kënaqur me fitoren 2-0 ndaj Eibarit të shtunën pasdite dhe ky triumf ka bërë që tani ta kthejnë vëmendjen te Liverpooli për ndeshjen e Ligës së Kampionëve.

Fitorja në Valdebebas është e fundit në një varg të gjatë të rezultateve të fundit që kanë parë Los Blancos të shfaqen si pretendentë për të fituar La Ligan dhe për të fituar Ligën e Kampionëve pas një fillimi të vështirë të sezonit.

Ndeshja kundër Eibarit lejoi që Real Madridi të vazhdonte garën për titull dhe gjithashtu të përgatitej për pritjen e Liverpoolit të martën në ndeshjen çerekfinale.

Lexo po ashtu Real Madridi vazhdon me fitore, ngjitet përkohësisht në vendin e dytë

“Ne nuk po e shikojmë atë aspak. Së pari ishte fjala për ndeshjen ndaj Eibarit dhe ne bëmë shumë mirë. Ne e filluam lojën shumë mirë”, ka thënë fillimisht Zidane.

“Tani bëhet fjalë për pushim dhe përgatitje të mirë për ndeshjen ndaj Liverpoolit”.

Lexo po ashtu Zidane për shortin e çerekfinales: Liverpooli do të jetë shumë kërkues

“Ne e dimë nga kemi ardhur. Kemi vuajtur shumë këtë sezon dhe tani bëhet fjalë për ta shijuar atë”.

“Ne jemi duke kaluar një kohë të mirë, sepse rezultatet janë të mira. Po mbrojmë shumë mirë golin tonë dhe po luajmë mirë, gjë që është e rëndësishme për ne”, përfundoi francezi. /Telegrafi/