Përfaqësuesja e Kosovës ka pësuar humbje nga Hungaria me rezultat 2-0 në një ndeshje shumë të mirë në Budapest.
Ka qenë një ndeshje e bukur nga Kosova, por vetëm për një orë lojë pasi në 30 minutat e fundit u dominuan nga hungarezët.
Edon Zhegrova ka thënë pas ndeshjes se bënë një ndeshje të mirë dhe se u mposhten nga gabimet e tyre.
“Mendoj që e kemi filluar ndeshjen shumë mirë, por besoj që pjesën e dytë pësuam pas gabimeve tona, kështu që këtu ka qenë lojë kontrolluese, miqësore”.
“Trajneri në të ardhmen ka me i parë gabimet që i kemi bërë dhe së bashku shpresoj që kemi me u përmirësuar”, tha Zhegrova.
Tutje sulmuesi dardan tha se përzgjedhësi Foda ka parë të gjithë lojtarët dhe në shtator do ta bëjë ekipin më të mirë për ndeshjet e Ligës së Kombeve.
“Trajneri ka parë të gjithë futbollistët nga ky grumbullim dhe besoj që do të ketë edhe lojtarë të rinj që do të vijnë. Në shtator do të krijojmë ekipin më të mirë për ndeshjet e Ligës së Kombeve dhe do të mësojmë nga gabimet tona”, tha Zhegrova.
Krejt në fund ai tha se kishte dëshirë të shënonte, por shpreson që në ndeshjet e radhës ta bëj një gjë të tillë.
“Dëshira normalisht ishte shumë e madhe që të shënoja, por shpresoj që ndeshjet e radhës t’ia arrijë qëllimit. Besoj që kemi ende shumë punë për të bërë dhe duhet të përmirësohemi shumë më shumë”, përfundoi Zhegrova.
Për ndeshjen foli edhe Mërgim Vojvoda, duke thënë se për rreth një orë bënë paraqitje të mirë.
“Ka qenë një lojë shumë e rëndësishme për ne, ka qenë ndeshje shumë pozitive”.
“Besoj që kemi luajtur mirë 60-65 minuta, pastaj morëm golin e parë që na rrëzoj për toke. Do të mësojmë nga këto gabime”, tha Vojvoda.
Tutje mbrojtësi dardan tha se duhet të vazhdojnë me punë dhe pozitivitet me trajnerin e ri.
“Kemi luajtur kundër një kundërshtari shumë të mirë dhe përpos të vazhdojmë me pozitivitet dhe me punë e trajnime stafin e ri, gjithçka është në rregull”, u shpreh Vojvoda.
Ndeshja e radhës e Kosovës është në muajin qershor përballë Norvegjisë në Oslo, derisa FFK pritet ta aranzhojë një tjetër miqësore për muajin qershor përveç duelit me vikingët. /Telegrafi/
Lufta Prigozhin - Putin
Më shumëAntonio Conte rikthehet në skenën e madhe, pranon ofertën e klubit në vështirësi
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Ish-trajneri i Real Madridit bind Milanin, përparojnë negociatat mes palëve
Superkompjuteri simulon mbi 10 mijë herë rezultatin e Euro 2024, befason me shanset e fituesve të mundshëm
Arda Guler i dërgon mesazh të fortë Ancelottit pas golit në ndeshjen e parë si titullar në La Liga
Interi pritet ta shpërblejë me pesë ‘dhurata’ Inzaghin pas fitimit të Scudettos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë