Barcelona do të mësojë të enjten kundërshtarët e saj në fazën e re të Ligës së Kampionëve, dhe ekipi i Hansi Flick pritet të ketë përballje shumë të vështira.
Mes rivalëve të mundshëm janë disa prej gjigantëve të futbollit evropian: Paris Saint-Germain, Manchester City, Liverpool, Chelsea, Bayern Munich, Inter dhe Borussia Dortmund.
Sipas formatit të ri të turneut, katalanasit do të duhet të përballen me të paktën dy nga këto skuadra të mëdha.
Reforma e fazës së ligës garanton që Barça jo vetëm do të ndeshet me rivalë të përhershëm, por edhe me ekipe që ofrojnë stile të ndryshme loje, duke e bërë sfidën akoma më interesante.
E vetmja gjë e sigurt është se blaugranët nuk do të përballen me asnjë nga katër përfaqësuesit e tjerë të La Ligës në këtë edicion.
Sezonin e kaluar, Barcelona u përball me Bayern Munich në fazën e ligës dhe arriti deri në gjysmëfinale, ku u eliminua nga Inter Milan. /Telegrafi/
