Përfaqësuesja e Zvicrës ka marrë pjesë në Kampionatin Botëror Rusia 2018.

E në short zviceranët u përballen në fazën e grupeve me Kombëtaren e Serbisë.

Në ekipin përfaqësues të Zvicrës ishin të pranishëm katër futbollistë shqiptarë, Xherdan Shaqiri, Granit Xhaka, Valon Behrami dhe Blerim Xhemaili.

Në ndeshjen e dytë në fazën e grupeve, Zvicra u përball me Serbinë ku helvetikët triumfuan me rikthim 1-2.

Mitrovic i kishte kaluar serbët në epërsi në pjesën e parë, por falë dy golave nga futbollistët shqiptarë Granit Xhaka dhe Xherdan Shaqiri, Zvicra mori tri pikët që pastaj ishin të vlefshme për kualifikim.

View this post on Instagram

Xhaka 👐😍

A post shared by Telegrafi Sport (@telegrafisport) on Jun 22, 2018 at 12:57pm PDT

Dy yjet shqiptarë pas golave të shënuar festuan duke bërë me duar shqiponjën dy krenare, gjest që ngjalli shumë polemika në Kampionatin Botëror Rusia 2018.

Xhaka e Shaqiri u dënuan me të holla, por ai dënim nuk ishte i rëndësishëm sa golat e tyre dhe fitorja ndaj serbëve.

Humbja 2-1 nga golat e shqiptarëve ishte njëra nga humbjet më të rënda në historinë e shtetit serb.

View this post on Instagram

Shaqiri 👐😍

A post shared by Telegrafi Sport (@telegrafisport) on Jun 22, 2018 at 1:01pm PDT

Gjithsesi, Xherdani dhe Graniti treguan edhe në Rusi se kush janë dhe nga vijnë, treguan se dinë të luajnë mirë futboll dhe me krenari treguan prejardhjen e tyre shqiptare. /Telegrafi/