Xavi: Barcelona ka rënë në gjumë, Reali po fiton me fat dhe ndihmën e gjyqtarëve

Legjenda e Barcelonës, Xavi, goditi gjigantët e La Ligës, ish-skuadrën e tij duke i akuzuar për rënie në gjumë në mes të dominimit evropian të Real Madridit, të cilët sipas tij po fitojnë trofe me anë të fatit dhe ndihmës nga gjyqtarët.

Madrid ka fituar titullin e tretë të Ligës së Kampionëve të shtunën mbrëma, duke mposhtur Liverpoolin me rezultat 3-1 në finalen e Kievit, ndërkohë  Barcelona siguroi trofeun e La Ligas për herë të tretë në katër sezonet e fundit.

Por, Xavi, i cili fitoi katër trofe të Ligës së Kampionëve me Barçën – akuzoi kampionët spanjollë se janë duke “fjetur”, pavarësisht nga nënshkrimi i lojtarëve si Luis Suarez , Philippe Coutinho dhe Ousmane Dembele.

Lexo po ashtu Ronaldo në histori, bëhet i pari që fiton pesë Liga të Kampionëve - kalon Iniestan, Seedorfin, Xavin e Messin    

“Madridi ka një gjen fitues dhe Barça ka rënë në gjumë”, ka thënë fillimisht El Penalty.

“Ata kanë qenë të fjetur për vite të tëra me nënshkrime dhe kjo iu faturohet”.

Xavi gjithashtu vuri në dukje fatin e Madridit në Ligën e Kampionëve, ku më së fundi ishte lëndimi i Mohamed Salah dhe gabimet e Loris Karius në finale, teksa shtoi se ndihmohet edhe nga gjyqtarët.

“Real Madrid kishte çdo gjë në anën e tyre. Lojtarët e dëmtuar si ylli i PSG-së, Neymar, ata të Bayern Munich, Robben e Boateng dhe gjyqtarët”.

Lexo po ashtu Real Madridi prinë në renditjen e UEFA-s - Atletico në vendin e dytë, Liverpooli në të 12-tin

“Lojtari më i rëndësishëm i Liverpoolit u lëndua, portierët e Bayernit Manuel Neuer u lëndua dhe gabimet në gjysmëfinale të Sven Ulreich dhe Loris Karius”.

“Duket si një magji, por çështja është se Barcelona ka rënë në gjumë dhe duket se Barça po fiton tituj, por të tjerët po fitojnë Ligën e Kampionëve”, përfundoi spanjolli. /Telegrafi/