Oklahoma City Thunder dhe Washtington Wizards kanë zhvilluar një ndeshje spektakolare mes vete.

Të udhëhequr nga Russell Westbrook, Oklahoma ka triumfuar me rezultat 121-112 ndaj Wizards që ishte fitorja e gjashtë radhazi.

Që nga fillimi i ndeshjes Thunder ishin në epërsi, madje në çerekun e dytë epërsia shkoi deri në 19 pikë.

Russell Westbrook pati një paraqitje fantastike në këtë takim duke qenë më meritori për këtë fitore.

MVP i stinorit të kaluar shënoi 46 pikë, pati gjashtë kërcime dhe gjashtë asistime në fitoren e 28 të Thunder.

Me paraqitje të mirë te vendasit u dallua edhe Paul George me 18 pikë e katër asistime, ndërsa Carmelo Anthony shtoi 13 pikë të tjera e pati tetë kërcime.

Ndeshje mjaftë të mirë zhvilloi edhe Breadley Beal tek mysafirët që shënoi 41 pikë pati shtatë asistime e 12 kërcime por të pamjaftueshme për fitoren e Wizards.

Pas kësaj fitore, Oklahoma mbetet në pozitën e pestë në konferencën perëndimore me 28 fitore e 20 disfata.

Përballje e bukur ishte edhe në Oracle Arena të Okland ku kampioni në fuqi Golden State Warriors mposhti Minnesota Timberwolves me rezultat 126-113.

Vendasve në asnjë moment nuk iu rrezikua fitorja pasi nga fillimi i ndeshjes deri në fund ishin në epërsi.

Kevin Durant bëri ‘Triple Double’, në këtë takim me 28 pikë, 11 asistime e 10 kërcime ndërsa kontribuoi edhe me tri bllokada.

Me paraqitje të mirë u dalluan edhe dyshja Steph Curry e Klay Thompson që shtuan nga 25 pikë të tjera.

Karl Anthony Towns shënoi 31 pikë e bëri 11 kërcime por të pamjaftueshme për fitoren e Timberwolves.

Pas kësaj fitore, Golden State vazhdon të mbetet në pozitën e parë në Perëndim me bilanc 39-10 në të mirë të fitoreve, ndërsa Timberwolves ndodhet në pozitën e katërt me 31 fitore e 20 disfata. /Telegrafi/

Rezultatet:

Miami Heat – Sacrametno Kings 88-89

Golden State Warriors – Minnesota Timberwolves 126-113

Oklahoma City Thunder – Washington Wizards 121-112

Denver Nuggets – New York Knicks 130-118