Vlera e Messit bie për 20 milionë dhe tani vlen nën 100 milionë euro për herë të parë pas më shumë se një dekade

Vlera e tregut të transferimit të Lionel Messi ka rënë nën 100 milionë euro për herë të parë pas më shumë se një dekade në faqen e specializuar të Transfermarkt.

Pas studimit të fundit të faqes në internet, çmimi i kapitenit të Barcelonës ka rënë me 20 milionë euro dhe tani Messi vlen 80 milionë euro.

Në moshën 33-vjeçare, Messi është ende lojtari i katërti në listën e më të vlefshmëve në La Liga dhe është vetëm pas Joao Felix, Jan Oblak dhe Ansu Fati.

Lexo po ashtu Paraqitja e Messit ndaj Bilbaos ishte më e mirë e tij këtë sezon – magjia e tij në një përmbledhje me momentet më të mira

Tobias Blaseio, menaxheri i Transfermarkt për Spanjën, ka ofruar një shpjegim se pse vlera e Messit ka rënë.

“Messi ngadalë po arrin vitet e fundit të karrierës së tij dhe Barcelona po kalon një krizë institucionale”.

Lionel Messi's transfer value has fallen below 100 million euros for the first time in over a decade, according to @Transfermarkt 😬https://t.co/WxJdbT4ZT7 pic.twitter.com/o7WrP0Pute

— MARCA in English (@MARCAinENGLISH) January 8, 2021

“Pas gati 10 vjet që kishte një vlerë mbi 100 milionë euro, tani ai ka pësuar këtë rënie prej 20 milionë eurosh”, ka thënë Blaseio.

Lojtari me vlerën më të lartë për të gjithë futbollin botëror tani është ylli francez i PSG-së, Kylian Mbappe, i cili ka vlerë prej 180 milionë eurosh. /Telegrafi/