Vidhen kriptovalutat me vlerë prej 100 milionë dollarësh

Hakerët kanë vjedhur 100 milionë dollarë në kriptovaluta nga Horizon, një e ashtuquajtur urë blockchain, në grabitjen më të fundit të madhe në botën e financave të decentralizuara.

Detajet e sulmit ende nuk dihen saktësisht, por Harmony, zhvilluesit pas Horizon, tha se ata identifikuan vjedhjen të mërkurën në mëngjes. Harmony veçoi një llogari individuale që beson se është fajtori.

“Ne kemi filluar të punojmë me autoritetet kombëtare për të identifikuar fajtorin dhe për të tërhequr fondet e vjedhura”, tha start-upi në një postim në Twitter të mërkurën vonë, transmeton Telegrafi.

1/ The Harmony team has identified a theft occurring this morning on the Horizon bridge amounting to approx. $100MM. We have begun working with national authorities and forensic specialists to identify the culprit and retrieve the stolen funds.

More 🧵

— Harmony 💙 (@harmonyprotocol) June 23, 2022

Në një postim vijues në Twitter, Harmony tha se po punon me Byronë Federale të Hetimit dhe firma të shumta të sigurisë kibernetike për të hetuar sulmin.

Urat blockchain luajnë një rol të madh në hapësirën DeFi, duke iu ofruar përdoruesve një mënyrë për të transferuar asetet e tyre nga një blockchain në tjetrin. Në rastin e Horizon, përdoruesit mund të dërgojnë tokena nga rrjeti Ethereum te Binance Smart Chain. Harmony tha se sulmi nuk ndikoi në një urë të veçantë për bitcoin. /Telegrafi/