Vetëm disa muaj pasi u pajtuan, ndërron jetë nëna e Elton John

Kishte vetëm pak kohë që kishte krijuar sërish kontakte me të ëmën, pas nëntë vitesh që nuk flisnin dhe tashmë Elton John është detyruar të ndahet përgjithmonë prej saj. Ai ka bërë të ditur se nëna e tij, Sheila Farebrother, ka ndërruar jetë.

70-vjeçari nuk ka folur me nënën deri në maj të këtij viti, kur i kishte ndrequr raporte.

Ai ka postuar një fotografi të të dyve në Instagram ku shkruan: “Jam shumë i trishtuar tu bëjë të ditur se nëna ime ndërroi jetë këtë mëngjes. E pashë vetëm të hënën e shkuar dhe jam shokuar. Udhë të mbarë nënë. Faleminderit për gjithçka. Do më mungosh shumë. Me dashuri, Elton”.

So sad to say that my mother passed away this morning. I only saw her last Monday and I am in shock. Travel safe Mum. Thank-you for everything. I will miss you so much. Love, Elton

A post shared by Elton John (@eltonjohn) on Dec 4, 2017 at 1:39am PST

Edhe në maj ai postoi një imazh të të dyve nga e kaluara duke festuar rilidhjen me Farebrother në Ditën e Nënës në Amerikë.

“Shumë i lumtur që u lidhëm prapë. Me dashuri, Elton”, kishte shkruar këngëtari në atë kohë.

Elton dhe nëna e tij i prishën raportet në vitin 2008, pasi ajo refuzoi kërkesën e tij për të mos folur me dy miq të tij të vjetër – transmeton Top Channel.

Ajo kishte treguar për Daily Mail se djali i saj i telefonoi duke e urdhëruar të ndërpriste çdo kontakt me Bob Halley, shoferi personal i Elton, të cilin e pushoi nga puna pas 30 vitesh shërbim, dhe John Reid, me të cilin ishte ndarë.

“I thashë se nuk kam ndërmend të ndahem me ta. Bob është si një djalë për mua. Ai ka qenë gjithmonë i mrekullueshëm dhe ka jetuar pranë nesh duke u kujdesur për mua”, ka treguar Sheila.

I biri më pas ia kishte mbyllur telefonin duke i thënë se e urrente.