Nga: Ben Quinn / The Guardian
Përktheu: Telegrafi.com
Galeria Kombëtare e Mbretërisë së Bashkuar e ka ndryshuar titullin e veprës së Edgar Degasit – nga “Valltaret ruse” në “Valltaret ukrainase”, duke u bërë kështu thirrje institucioneve tjera kulturore, që të mendojnë sërish për interpretimet ose etiketimet e gabuara të artit dhe të trashëgimisë ukrainase.
Pas reagimeve të ukrainasve nëpër media sociale, nga galeria thanë se e kanë ndryshuar titullin e veprës së shekullit XX të impresionistit francez – e cila vepër aktualisht nuk është e ekspozuar. Bëhet fjalë për pastelin që i përshkruan trupat e valltareve – nga të cilat artisti u mahnit kur i ka parë në Paris, në fund të jetës së tij.
E verdha dhe e kaltra e ngjyrave kombëtare të Ukrainës janë të dukshme në ato që janë si shirita e që mbahen në veshjet dhe në kurorat e valltareve.
Një zëdhënës i Galerisë Kombëtare tha: “Titulli i kësaj pikture për shumë vjet ka qenë temë e diskutimit dhe madje është përfshirë në literaturën shkencore; megjithatë, fokusi është shtuar gjatë muajit të kaluar, për shkak të situatës aktuale, ndaj menduam se ishte moment i përshtatshëm për ta përditësuar titullin e pikturës e për të pasqyruar më mirë temën e saj”.
Disa javë më parë, një anëtar i departamentit të arsimit të kësaj galerie e ka përmendur këtë çështje teksa një ukrainas – që jetonte në Londër – e kishte përdorur Instagramin për të reaguar.
Ndër emrat që e përshëndetën këtë veprim të Galerisë Kombëtare është Mariia Kashchenko, themeluesja dhe drejtoresha – me origjinë ukrainase – e Art Unit-it që shfaq artistët në zhvillim (për momentin, 21 artistë ukrainas).
“E kuptoj se termi art rus u është bërë term i një mbulese të lehtë e të dobishme, por është vërtetë e rëndësishme që gjërat tashti të rregullohen. Si ukrainase, në të kaluarën kam hasur në rastet kur më quanin ruse, ose ku trashëgimia ukrainase përshkruhej si ruse”, ka thënë ajo.
Kritikat ndaj institucioneve kulturore në Mbretërinë e Bashkuar kanë ardhur edhe nga Olesya Khromeychuk – nga drejtoresha e Institutit të Ukrainës në Londër, e cila muajin e kaluar shkroi në revistën gjermane “Der Spiegel”: “Çdo udhëtim në një galeri apo ndonjë muze në Londër, me ekspozita mbi artin ose kinemanë e BRSS-së, shfaq keqinterpretime të qëllimshme ose thjesht shabllone të rajonit si një Rusi e pafundme – ashtu siç do të dëshironte ta shihte presidenti aktual i Federatës Ruse. Kuratorët nuk e kanë problem t’i paraqesin si ruse – artin dhe artistët hebrenj, bjellorusë apo ukrainas. Në ndonjë rast të rrallë kur një ukrainas nuk paraqitet si rus, ai ose ajo mund të paraqitet si ‘i lindur në Ukrainë’, siç ishte rasti me regjisorin Oleksandr Dovzhenko në një ekspozitë mbi artin revolucionar në Londër”.
Galeria Kombëtare i tha ditores “Guardian” se kërkimet në koleksion e pikturave po vazhdojnë dhe se informacioni rreth veprave përditësohet sipas rasteve dhe kur informacionet e reja dalin në dritë.
Një zëdhënës i Galerisë Kombëtare të Portreteve ka thënë se kjo galeri u mbyll meqë iu nënshtrua një transformimi të madh, por si pjesë e projektit “Inspiring People” po e rishikon interpretimin e çdo vepre që do të shfaqet – kur ajo rihapet në vitin e ardhshëm. Duke iu referuar veprimeve të ndërmarra në lidhje me veprën e Degasit, zëdhënësi shtoi: “Jemi gjithashtu të hapur që për veprat specifike të marrim komente nga publiku dhe të përgjigjemi rregullisht në komentet e audiencave tona – përfshirë ato të bëra në mediat sociale”. /Telegrafi/
Promo
Reklamo këtuLufta Prigozhin - Putin
Më shumë“Një autograf për nipin tim - skllavin tuaj”!
"Ishulli i vdekjes" i Britanisë së Luftës së Dytë Botërore
Binjaket magjepsëse dhe shkrimtarët e famshëm
Karnavalet, origjina dhe domethënia
Rreth romanit “Tmerri” të Arben Kondit
Reportazh nga Dumreja, bukuria e harruar e Shqipërisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert