Lionel Messi është përfshirë në listën e Barcelonës për ndeshjen ndaj Borussia Dortmundit, por Ernesto Valverde ka thënë se ende nuk ka vendosur nëse argjentinasi do të luajë të martën.

Trajneri e bëri të qartë se vendimi nëse Messi do të kthehet në fushë në Signal Iduna Park do të merret para ndeshjes.

“Ne do të vendosim nesër [nëse Messi mund të luajë]”, ka thënë Valverde fillimisht.

Lionel Messi (Foto: Goal.com)

“Disa ditë më parë ne nuk ishim shumë të qartë, por stërvitja e fundit mbaroi mirë dhe ai nuk po mendon më për dhimbjen që kishte”.

“Është e rëndësishme që të luani pa menduar për lëndim. Ai është përmirësuar shumë, por ne do të shohim nesër”, ka thënë Valverde. /Telegrafi/