LAJMI I FUNDIT:

Valon Behrami flet për momente e vështira kur u infektua me COVID-19: Frikësohesha për familjen, tani jam më i ndjeshëm, futbolli ka ndryshuar

Valon Behrami flet për momente e vështira kur u infektua me COVID-19: Frikësohesha për familjen, tani jam më i ndjeshëm, futbolli ka ndryshuar

Mesfushori i Genoas, Valon Behrami dëshiron tu sjellë gëzimi tifozëve në “Derby della Lanterna” kundër Sampdorias, ndërsa është ndalur të flas edhe për periudhën e vështirë kur ishte prekur me COVID-19. 

Genoa kanë pasur një fillim të vështirë këtë edicion, pasi klubi u përfshi nga një shpërthim i coronavirusit.

Me 22 raste me COVID-19 në klub, kishte edhe në staf dhe lojtarë, ndërsa njëri prej tyre ishte edhe mesfushori 35-vjeçar shqiptar.

“Nuk më pëlqen kur thonë: “Ajo që nuk të vret të bën më të fortë””, ka thënë fillimisht Behrami për Il Secolo XIX.

“Nuk e gjeta veten më të fortë, e gjeta veten më të brishtë. Nuk është problem fizik, jemi të trajnuar mirë. Kam jetuar frikën e diçkaje që nuk e dija, frikën se mund të prekë fëmijët e mi, prindërit e mi, gruan time”.

“Më mirë mua sesa ata, mendova. Dhe pastaj për shumë orë vetëm, i mbyllur në një dhomë, i izoluar nga bota: Zbulova anën time të brishtë, kjo më bëri më të ndjeshëm ndaj vuajtjeve të të tjerëve”.

“Kur u ktheva në stërvitje, kisha pak dëshirë të flisja. Unë pashë edhe shokët e tjerë të ekipit dhe ndjeva vuajtjet e tyre”.

Behrami, i cili kaloi si lojtar i lirë në Genova në janar të vitit 2020, ka thënë se coronavirusi na ka ndryshuar.

“Për fat të mirë gruaja ime nuk kishte ndonjë problem. Ne nuk e pamë më njëri-tjetrin që pas ndeshjes kundër Napolit, ishim larg”.

“Ajo nuk ishte e infektuar dhe për mua ishte një lehtësim i madh. Shoh shumë nervozizëm agresiv përreth, nuk mund të shprehësh një ide, të drejtë apo të gabuar, pa u sulmuar nga ata që nuk pajtohen”.

“Ndodh në të gjitha sferat e jetës. Ne përfundojmë duke mos thënë asgjë, ne mbetemi të parëndësishëm dhe kjo nuk është e mirë për mua”, ka thënë Behrami.

Derby della Lanterna i fundit përfundoi në një fitore 2-1 për Genoan, kur Domenico Criscito dhe Lukas Lerager shënuan golat e fitore, ndërsa Manolo Gabbiadini kishte shënyar për ekipin vendas.

“Në korrik, unë isha në tribuna duke vuajtur, për ne ishte loja e një jete dhe ne arritëm ta fitonim atë. Tani, ne do të provojmë përsëri, me të njëjtin intensitet si atëherë”.

“Fatkeqësisht, atmosfera nuk është e zakonshme, kuptohet se ka përparësi të tjera. Kur arrita në janar, njerëzit që më takuan po më tregonin për Derbi, duke më kërkuar ta fitoja. Tani, unë i shikoj ata që jetojnë pranë meje, pothuajse shmangin bisedat  me njëri-tjetrin. Do të bëjmë gjithçka për të fituar dhe për t’i dhënë gëzim tifozëve tanë”, shtoi ai.

Behrami tha se Derby do të jetë ndryshe pa tifozë dhe pranoi se ‘atmosfera e çuditshme’ ka ndryshuar ndeshjet.

“Futbolli pa tifozë nuk më entuziazëm, por për momentin, është e pamundur të mendosh të kesh tifozë përsëri në tribuna. Kjo atmosferë e çuditshme ka ndryshuar shumë gjëra, në të mirë ose në të keq. Të luash në stadiume bosh çon në momente shpërqendrimi, ne jemi duke u mësuar me këtë situatë të re”, deklaroi Behrami.

Behrami vlerësoi trajnerin e ri Rolando Maran, duke thënë se është shumë i përgatitur. /Telegrafi/  

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori