Autoritetet ukrainase kanë filluar hetimet mbi pretendimet se një 24-vjeçar është martuar me kushërirën e tij 81-vjeçe vetëm që ta shmang shërbimin ushtarak.

Alexander Kontratyuk, 24-vjeç, thotë se është dashuruar në kushërirën e tij që është hiq më pak se 57 vite më e vjetër, duke mohuar kategorikisht pretendimet se me këtë veprim është munduar ta shmang shërbimin ushtarak, transmeton Telegrafi.

Rekrutimi në Ukrainë është i detyrueshëm edhe pse ka përjashtime, kur personave të caktuar u lejohet ta shmangin një gjë të tillë.

E nëse ai person dëshiron të mos e kryej shërbimin ushtarak, duhet të kujdeset për gruan që duhet të jetë më aftësi të kufizuara dhe këtë ta dokumentoj me letra zyrtare që dyshja janë të martuar.

E martesa e të riut me kushërirën e moshuar është mbajtur në fshatin Baykovka, në afërsi të qytetit Vinnitsa në pjesën perëndimore të Ukrainës.

Ndërkaq e pyetur nga gazetarët për martesën me kushëririn që është shumë më i ri në moshë, Zianida Illarionovna, 81-vjeçe, këmbëngul se ai është një burrë i mirë që kujdeset shumë për të.

Por, ndryshe thonë fqinjët e gruas së moshuar, të cilët pretendojnë se i riu kurrë nuk është parë në këtë rajon, e lëre më të kujdeset për të.

Një banor i këtij fshati ka deklaruar për mediat lokale se Illarionovën, më shumë e vizitonin nipat e stërnipat e motrat sesa bashkëshorti i saj.

Ai madje shtoi se ajo jetonte e vetmuar në një shtëpi, ku shenja e vetme e martesës ishte certifikata që Alexander e mbante me vete pasi që zyrtarët ushtarakë vizitonin fshatin duke kërkuar të rinjtë që refuzonin t’i përgjigjen ftesës që të kryejnë shërbimin ushtarak.

E ekspertët ligjor thonë se ushtria ka të drejtë t’i ftoj fqinjët e tyre që të dëshmojnë dhe nëse konstatohet se ka pasur shkelje, atëherë menjëherë do të dërgohet në ushtri. /Telegrafi/