Ka mbaruar nata e madhe e garës së muzikës evropiane, ‘Eurovision 2022’.

Ngjarja e cila sivjet u mbajt në “Pala Alpitour” të Torinos në Itali, mirëpriti në finale plot 25 shtete (pesë prej të cilave u kualifikuan automatikisht dhe 20 të tjera që arritën kualifikimin nga netët gjysmëfinale).

Fitues të ‘Eurovision 2022’ u zgjodhën grupi Kalush Orchestra nga Ukraina, të cilët përfaqësuan vendin e tyre me këngën “Stefania”.

Ata morën mjaftueshëm pikë nga juritë profesionale të shteteve pjesëmarrëse, por rezultati kaloi edhe më në epërsi kur u njoftuan votat e publikut, nga ku shteti ukrainas kishte marrë pikët më maksimale të mundshme nga votuesit mbarë-evropianë.

Pasi përfundojnë interpretimin e tyre në finale, përfaqësuesit e Ukrainës në Eurovision 2022 bëjnë thirrje publike: Mbroni Mariupolin dhe Azovstalin Pasi përfundojnë interpretimin e tyre në finale, përfaqësuesit e Ukrainës në Eurovision 2022 bëjnë thirrje publike: Mbroni Mariupolin dhe Azovstalin

Për shumë kë fitorja e Ukrainës ka qenë e pritshme, ngase përveç këngës së bukur, është aluduar shpesh në rrjetet sociale se shtetet evropiane do të tregojnë një konsideratë të veçantë për shkak të krizës në Ukrainë, mes luftës së vazhdueshme të tyre me agresorin rus.

Kalush Orchestra në ‘Eurovision 2022’ (Foto: Eurovision.tv)

Në vendin e dytë u rendit Mbretëria e Bashkuar e përfaqësuar nga Sam Ryder me këngën “Space Man”, gjersa në vendin e tretë Spanja, përfaqësuar nga Chanel me “SloMo”.

Në top pesëshe, janë gjithashtu Suedia – shtet i përfaqësuar nga Cornelia Jakobs me “Hold me closer” dhe Serbia, që u përfaqësua nga Konstrakta me këngën “In Corpore Sano”.

Lajmërohet Zelensky, bën thirrje që të votohet Ukraina në finalen e Eurovision 2022 Lajmërohet Zelensky, bën thirrje që të votohet Ukraina në finalen e Eurovision 2022

Ndërkohë, Shqipëria në ‘Eurovision 2022’ u përfaqësua nga këngëtarja Ronela Hajati me këngën “Sekret”, e cila dështoi ta kualifikonte vendin e saj në finalen e madhe. /Telegrafi/