Tristan Thompson bën postimin që konsiderohet një ‘thumb’ për Khloe Kardashian, thotë se nuk ndjehet fajtorë për të kaluarën

Tristan Thompson nuk do të lejojë që faji të pengojë në të ardhmen e tij.

Lojtari i Chicago Bulls, i cili është përfshirë në pjesën e tij të drejtë të dramës në lidhje me pabesinë e tij të vazhdueshme në marrëdhënien e tij me Khloe Kardashian, bëri së fundmi një postim në InstaStory të mërkurën (16 mars) për të mos u ndjerë keq për të kaluarën.

“Lëreni të shkuarën t’ju udhëheqë në vend që t’ju bëjë të ndiheni fajtorë”, filloi shkrimi i tij.

“Lëreni të ardhmen t’ju emocionojë, në vend që t’ju bëjë të ndiheni të shqetësuar. Le të jetë e tashmja një dhuratë për ju për t’u ndjerë i gjallë, në vend të një mallkim që ju bën të jetoni në të kaluarën ose të ardhmen”, thuhet tutje në postimin e tij, shkruan PageSix.

Është e paqartë se çfarë e nxiti postimin e Tirstan, që ishte i ngjashëm me ato që bën Khloe, por javën e kaluar ai u rikthye në vëmendje kur dolën dokumentet në padinë e tij të atësisë me Maralee Nichols.

Dokumentet përfshinin mesazh me tekst që dyshohej se Thompson i kishte dërguar Nichols që pretendonin se ai ishte fejuar me bashkëthemeluesen e “Good American”.

Një burim më pas konfirmoi se ish-çifti ishin në fakt të fejuar në një moment, por në qershor të 2021 ata ishin ndarë përgjithmonë pas skandalit të tij të mashtrimit me modelen e Instagramit, Sydney Chase.

Khloe 37-vjeçare që atëherë është distancuar plotësisht nga Tristan 31 vjeç në përjashtim në bashkëpunimin e saj me të për të ndarë kujdestarinë për vajzën e tyre 3-vjeçare, True.

Muaj më parë basketbollisti u bë edhe një herë baba nga lidhja me Nichols, ndërsa ai gjithashtu është babai një djali 5-vjeçar me ish-partneren Jordan Craig. /Telegrafi/