Tre biznesmenë britanikë i kanë shpëtuar vdekjes, edhe pse vetura në të cilën ishin u godit nga treni në Davos dhe e tërhoqi zvarrë për disa metra.

Pamjet e publikuara më poshtë shfaqin incidentin në Zvicër ku treni që po lëvizte me shpejtësi të madhe godet veturën, të cilës ia bënte me dije se po afrohej duke i rënë borisë, transmeton Telegrafi.

Por, në pamundësi për të frenuar në kohë, treni e goditi veturën Volkswagen të cilën e shkatërron dhe në shikim të parë dukej se personat që ishin brenda nuk kanë gjasa t’i kenë shpëtuar vdekjes, megjithatë ata dolën jashtë shëndoshë e mirë.

Raportohet se shoferi i veturës Volkswagen ishte munduar të kalojë binarët, por në një moment i kishte ngecur rrota duke i rrëshqitur në akull. Në ato momente i goditi treni, megjithatë ata shpëtuan pa ndonjë lëndim serioz. /Telegrafi/