0Shares

Albin Tahiri ka debutuar në Lojërat Olimpike Dimërore PyeongChang 2018.

Skitari ynë ka zënë vendin e 37-të nga 65 garues në disiplinën kombinim alpin.

Albin Tahiri përfundon në vendin e 37-të, debutim i kënaqshëm për skiatorin nga Kosova në PyeongChang Albin Tahiri përfundon në vendin e 37-të, debutim i kënaqshëm për skiatorin nga Kosova në PyeongChang

Kjo pozitë vlerësohet e suksesshme, bazuar në kushtet që mbretëruan, sidomos në garën e sllallomit, ku shumë garues u diskualifikuan, duke mos arritur cakun.

Gara e parë ishte ajo e lëshimit. Qëllimi i tij ishte të mos diskualifikohej në debutim. 28-vjeçari pati kohën 2:23.40 sekonda pas dy garave.

Trajneri i tij, Agim Pupovci, ishte i kënaqur me lëshimin, por jo edhe aq shumë me sllallom.

Albin Tahiri i kënaqur me rezultatin e garës së parë, pret më pak gabime në të dytën Albin Tahiri i kënaqur me rezultatin e garës së parë, pret më pak gabime në të dytën

“Sot ishte gara e parë e Albinit në kombinim alpin, ka qenë një garë shumë e fortë. Terreni ishte i ngrirë prej katër ditësh, ku është punuar edhe me ingjeksion (mbushje me ujë). Në lëshim ka qenë shumë i mirë, rreth 4.60 sekonda larg vendit të parë, ku u plasua si i 55-ti, kurse në sllallom po ashtu ishte terreni shumë i vështirë, por pasi bëri dy gabime të forta, humbi shumë kohë dhe u plasua në vendin e 37-të prej 65 garuesve. Me lëshim jam i kënaqur, por me sllallom po të mos ishin këto dy gabimet e mëdha, do të ishte plasmani më i mirë”, tha Pupovci.

Pikërisht në lëshim do ta ketë garën e ardhshme, e cila mbahet të enjten (15 shkurt).

Komiteti Olimpik i Kosovës përgëzon paraqitjen e Albin Tahirit, duke e uruar për paraqitjet në garat e ardhshme. /KOK/

Të Ngjajshme
Shfaq Komentet (0)