Leonardo Bonucci ka kompletuar para disa ditësh një transferim shokues nga Juventusi tek rivali i madh nga Serie A, Milani.

Transferimi i qendërmbrojtësit italian ka bërë bujë të madhe në Evropë, pasi çmimi i paguar nga Rossonerët ishte plot 42 milionë euro.

Bonucci e kompleton numrin e 10 ‘tradhtarëve’ që luajtën për Juventusin, Milanin dhe Interin, secili më super yll se tjetri (Foto) Bonucci e kompleton numrin e 10 ‘tradhtarëve’ që luajtën për Juventusin, Milanin dhe Interin, secili më super yll se tjetri (Foto)

Megjithatë, transferimi i Bonuccit nuk është më i shtrenjti në mesin e futbollistëve mbi 30 vjeç, pasi primati mbahet nga sulmuesi i madh argjentinas, Gabriel Batistuta, shkruan Telegrafi.

Batistuta u transferua nga Fiorentina te Roma në moshën 31-vjeçare dhe iu kushtoi klubit romak plot 43 milionë me bonuse, ndërsa vendi i tretë mbahet nga Anthony Modeste, i cili kaloi nga Kolni në Quanjianin kinez për 29 milionë euro.

Më poshtë, Telegrafi iu sjell ‘Top 10’ transferimet më të kushtueshme të futbollistëve mbi 30 vjeç, ku në mesin e tyre ka shumë emra të mëdhenj si Zlatan Ibrahimovic dhe Samuel Eto’o. /Telegrafi/

Gabriel Batistuta: Nga Fiorentina te Roma, 31 vjeç, çmimi 32.5 milionë euro me bonuse 43 milionë  

Leonardo Bonucci: Nga Juventusi te Milani, 30 vjeç, çmimi 40 milionë euro me bonuse 42 milionë

Anthony Modeste: Nga Kolni te Quanjian, 31 vjeç, 29 milionë euro

Samuel Eto’o: Nga Barcelona te Interi, 30 vjeç, 28,5 milionë euro

Diego Milito: Nga Genoa te Interi, 30 vjeç, 27,5 milionë euro

Claude Makelele: Nga Real Madridi te Chelsea, 30 vjeç, 20 milionë euro me bonuse 24.6 milionë

Angelo Peruzzi: Nga Interi te Lazio, 30 vjeç, 17.9 milionë euro, 23.7 milionë

Zlatan Ibrahimovic: Nga Milani te PSG, 30 vjeç, 21.5 milionë euro

Jeremy Mathieu: Nga Valencia te Barcelona, 30 vjeç, 20.1 milionë euro

Claudio Bravo: Nga Barcelona te Manchester City, 30 vjeç, 17 milionë euro