Tifozët e boksit po thonë të gjithë të njëjtën gjë rreth debutimit të “Hulkut iranian” në boks

Tifozët e boksit dolën në rrjetet sociale për të shpërthyer ndaj ‘Hulkut iranian’ pas paraqitjes së tij zhgënjyese në ring të dielën mbrëma.

Hulk, emri i vërtetë i të cilit është Sajad Gharibi, bëri debutimin e tij të shumëpritur në boks në kartën e fundit të “Wick N’ Bad” në Dubai, tre muaj pasi lufta e tij kundër Martyn Ford u anulua.

Sensacioni i mediave sociale doli ballë për ballë me gjigantin “Titan kazak”, emri i vërtetë Djumanov Almat Bakhytovich.

Gharibi ishte jashtë të gjitha pritshmërive, ndërsa kazaku lëshoi disa grushta, me të parin të paaftë për të mbrojtur veten ndërsa ktheu shpinën në shumë raste.

Arbitri më pas i dha Gharibit pak kohë të merrte vetën, përpara se të anulonte luftën pasi 30-vjeçari u nokautua.

Tifozët në mediat sociale dhanë reagimet e tyre, me disa që i bënë thirrje Gharibit që të mos boksojë më kurrë.

Njëri shkroi: “Dikush ju lutemi paguani ‘Hulkun iranian’ që të mos shkelë më kurrë në një ring boksi”.

Një fans i dytë tha: “’Hulku iranian’ është personi më i turpshëm që kam parë ndonjëherë në jetën time. Faleminderit Zotit që ai nuk luftoi me Martyn Ford, mendoj se ai do të vdiste”.

“Nuk është çudi që ky djalë u tërhoq nga lufta kundër Fordit”, komentoi një fans i tretë.

Në një intervistë të shkurtër pas përleshjes, Gharibi tha: “Nuk kam asgjë për të thënë, por më vjen turp dhe i kërkoj falje popullit iranian”. /Telegrafi/