LAJMI I FUNDIT:

Tifozët e Atleticos e shanë dhe abuzuan në baza racore, por Walker i ‘çmendi’ me reagimin e tij

Tifozët e Atleticos e shanë dhe abuzuan në baza racore, por Walker i ‘çmendi’ me reagimin e tij

Disa tifozë të Atletico Madridit e shanë dhe e abuzuan në baza racore mbrojtësin e Manchester Cityt, Kyle Walker, ndërsa ai ecte rreth stadiumit Wanda Metropolitano, por anglezi nuk u interesua shumë dhe ia nguli sytë me një buzëqeshje.

Wanda Metropolitano ishte arena e një ndeshje të tensionuar dhe ashpër çerekfinale mes Alteticos dhe Cityt.

Megjithatë, në fund ekipi i Pep Guardiolas kaloi në gjysmëfinale të Ligës së Kampionëve falë një goli në ndeshjen e parë nga Kevin De Bruyne.

Pavarësisht disa periudhave relativisht të mira të futbollit nga të dyja palët gjatë gjithë kohës, kishte disa skena të pakëndshme në momentet e fundit të lojës që rrëmbyen titujt kryesorë.

Pas tollovisë që zgjati katër minuta në fushë, ajo vazhdoi edhe në tunel ku u desh të ndërhyjë policia: Atelico – Man City ishte ndeshje nervash
Lexo po ashtu Pas tollovisë që zgjati katër minuta në fushë, ajo vazhdoi edhe në tunel ku u desh të ndërhyjë policia: Atelico – Man City ishte ndeshje nervash

Stefan Savic i tërhoqi flokët Jack Grealishit, ndërsa më vonë deshën të sqarohen edhe në tunelin e stadiumit.

Dhe disa çaste më vonë, mbrojtësi i krahut të Cityt, Walker, duhej të frenohej nga shoku i skuadrës Ederson pas një konfrontimi të zemëruar me lojtarin e Atleticos, Sime Vrsaljko, i cili u tërbua pas vërshëllimës së fundit.

Mbrojtësi 31-vjeçar bëri një ndryshim të madh për Cityn përpara se të zëvendësohej nga Nathan Ake në minutën e 73-të, pasi mori një dëmtim në kyçin e këmbës.

Por, Walker nuk ishte i interesuar të largohej me barelë dhe vendosi të dilte në këmbë nga fusha. Teksa po luante si mbrojtës i djathtë – në anën e kundërt me bankinat, atij iu desh të ecte nëpër të gjithë fushën për të shkuar te stoli i Cityt.

Kjo do të thoshte të ecte pranë turmës së ‘egër’ të tifozëve vendas, të cilët ishin shumë të irrituar dhe shfrynë në drejtim të anglezit.

Tifozët vendas abuzuan me sharje dhe baza racore ndaj Walkerit, teksa ai çalonte nëpër fushë, por reagimi i anglezit ishte pa i trembur syri dhe buzëqeshte pa asnjë grimë frike. /Telegrafi/

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori