Minutat e fundit të ndeshjes Atletico Madrid – Manchester City u shënuan nga një përleshje të madhe që zgjati katër minuta dhe përfundoi me përjashtimin e Felipes dhe ndëshkimin e Stefan Savic dhe Nathan Ake.

Gjithçka nisi në krah, me një ndërhyrje të Felipe te Phil Foden që braziliani e bëri pasi e goditi topin. Lojtari i Cityt u rrëzua jashtë fushe, ndërsa arriti të futej në fushë për të humbur kohë.

Savic e pa këtë gjë dhe e nxori jashtë, por nga aty situata u kthye në ferr.

Situata u kthye në një tollovi të jashtëzakonshme në të cilën morën pjesë të dy taborët. Lojtarët që ishin në fushë dhe në Bankinë shtynë njëri-tjetrin dhe beteja u zhvillua në fushë.

Gjyqtari priti që lojtarët të ndaheshin për të nxjerrë kartonët. E kuqe për Felipen për goditjen dhe e verdhë për Savic, i cili tërhoqi Grealishin dhe Ake për flokësh.

Pas tollovisë rrëmuja vazhdoi. Lojtarët e Man Cityt nuk ndalën së hedhuri përtokë në minutat e fundit, ku edhe Cholo Simeone u përgjigj me ironi dhe duartrokitje drejt stolit të Pep Guardiolas, duke ndezur stadiumin.

Gjyqtari dha 10 minuta kohë shtesë, por asgjë nuk ndryshoi dhe Atletico u ankuan sërish te  gjyqtari për ndërprerjet.

Simeone doli në fushë për të protestuar ndaj Daniel Siebert, ndërsa sherri vazhdoi në tunelin e dhomës së zhveshjes.

Savic, Hermoso dhe Berta u përballën me lojtarët e Man Cityt dhe UEFA i kërkoi policisë të ndërhynte. /Telegrafi/