Babai e kishte lënë kur ai kishte qenë vetëm 3 vjeçar, motra e tij ishte diagnostikuar me leukemi, shtatzënia e të dashurës i kishte dështuar – këto janë vetëm disa prej fatkeqësive që e kanë përcjell aktorin e filmave “Matrix”, Keanu Reeves.

Por, pavarësisht këtyre sfidave dhe shumë tjerave që ai i ka përjetuar, prapëseprapë ka arritur ta mahnitë botën me thjeshtësinë e tij, transmeton Telegrafi.

Ai ende udhëton me tren publik, ndërkaq së fundmi është zbuluar se kishte themeluar edhe një shoqatë bamirësie për personat me kancer, por që nuk e kishte përfshirë emrin e tij.

Sidoqoftë, më poshtë ju sjellim disa thënie inspiruese nga ky aktor i mahnitshëm, i cili padyshim se mund të na motivojë të gjithë neve.

“Nëse mund ta bëni një femër të qesh, ju do ta shihni gjënë më të bukur në Tokën e Zotit”

– “Duhet ta ndryshoni jetën nëse nuk jeni të lumtur dhe zgjohuni nëse gjërat nuk janë duke rrjedhur në mënyrën se si ju dëshironi”

– “Çdo sfidë në jetë ju ka formësuar në personin që jeni sot. Jeni falënderues kohërave të këqija, sepse vetëm sa ju kanë bërë më të fortë”

– “Ndonjëherë armiqtë janë mësuesit tanë më të mirë, njerëzit mund të mësojnë nga gabimet e tyre dhe ndonjëherë shkatërrimi nënkupton rilindje”

– “Unë besoj në dashurinë në shikim të parë. Ju e dëshironi atë lidhje, dhe pastaj i dëshironi disa probleme”

– “E nesërmja nuk është e garantuar, andaj jetoni sot!”

– “Ndonjëherë gjërat e thjeshta janë më të vështirat për t’u arritur”

– “Rënia në dashuri dhe të pasurit lidhje romantike janë 2 gjëra shumë ndryshe”

– “Jam rritur për t’i trajtuar njerëzit saktësisht në mënyrën se si do të dëshiroja të trajtohem nga tjerët. Kjo quhet respekt”

– “Gjithmonë do të jem i dashuruar me dashurinë”

– “Besoj se të jetosh pa dashuri, të mos e përjetosh atë apo të mos jesh në gjendje ta dhurosh, është një dënim mjaft i madh”

– “Personi që nuk më lejonte të isha i lumtur kam qenë vet unë”. /Telegrafi/