LAJMI I FUNDIT:

‘I thash babait se doja të bëhesha si Januzaj’ – rrëfimi i Kulusevskit pse dikur e bartte numrin 44

‘I thash babait se doja të bëhesha si Januzaj’ – rrëfimi i Kulusevskit pse dikur e bartte numrin 44

Numri 44 është i preferuar në fanellën e Dejan Kulusevskit, megjithëse te klubi i tij i ri, Tottenham Hotspur, do ta bartë numrin 21.

Anësori suedez me origjinë maqedonase për herë të marrë e zgjodhi këtë numër kur ishte lojtar i Parmas, edhe atë falë admirimit për futbollistin shqiptar, Adnan Januzaj, i cili asokohe luante te Manchester Unitedi.

21-vjeçari kishte shkuar në Itali që në vitin 2016 duke qenë pjesë e Akademisë së Atalantas, ku dy vite më vonë u përfshi edhe në ekipin e parë.

Adnan Januzaj si lojtar i Manchester Unitedit (Foto: Twitter/Manchester United)

Mirëpo, meqë kishte pak minutazh loje, si futbollist premtues, ai u huazua te Parma në verën e vitit 2019.

Shumë shpejt e tërhoqi interesimin e Juventusit që e transferoi në janar të vitit 2020 për 35 milionë euro, mirëpo e la në huazim te parmanët që ta përfundonte sezonin.

Dejan Kulusevski kur luante te Parma (Foto: Twitter)

Në këtë afat kalimtar, Zonja e Vjetër e ka lejuar largimin e tij drejt Tottenhamit, si huazim për 18 muaj, me obligim blerjeje në rast se Spursat kualifikohen në Ligën e Kampionëve dhe nëse ai luan së paku në 50 për qind të ndeshjeve.

Në një intervistë të dhënë disa vite më parë për Sky Sport Italia, Kulusevski ka shpjeguar arsyen pse e kishte zgjedhur dikur numrin 44 në fanellë.

Kulusevski si lojtar i Juventusit (Foto: Instagram/dejan.k10)

“Isha në Suedi për ta shikuar Manchester United dhe isha dëshmitar i debutimit të Januzajt”, ka rrëfyer Kulusevski.

“Ai hyri në fushë me një personalitet të mrekullueshëm, edhe pse ishte vetëm ndeshja e tij e parë profesionale. I thash babait tim se doja të bëhesha i tillë, doja të luaja në atë mënyrë”.

Dejan Kulusevski është lojtar i ri i Tottenhamit (Foto: Instagram/dejan.k10)

“U lidha për atë numër, i lexova disa gjëra dhe rashë në dashuri”, ka thënë tutje anësori i Tottenhamit, i cili në Ligën Premier do ta ketë numrin 21.

Karriera e Januzajt megjithatë që atëherë ka pësuar ndryshime, pasi ai u huazua te Borussia Dortmundi dhe Sunderlandi, ndërsa nga viti 2017 luan për Real Sociedadin. /Telegrafi/


Në trend Sport

Më shumë
Lista me 14 lojtarë të Liverpoolit tani janë të lirë për të thyer rregullin e rreptë të Klopp

Lista me 14 lojtarë të Liverpoolit tani janë të lirë për të thyer rregullin e rreptë të Klopp

Premier League
Qeveria spanjolle i detyrohet Dani Alvesit 1.2 milion euro, paratë mund të përdoren për të orkestruar lirimin nga burgu

Qeveria spanjolle i detyrohet Dani Alvesit 1.2 milion euro, paratë mund të përdoren për të orkestruar lirimin nga burgu

Ndërkombëtare
Zbulohet hapi i ardhshëm i Xavit pas largimit nga Barcelona në fund të sezonit

Zbulohet hapi i ardhshëm i Xavit pas largimit nga Barcelona në fund të sezonit

La Liga
Katër 'bomberët' që Chelsea ndjekë për sezonin e ardhshëm - secili më i mirë se tjetri

Katër 'bomberët' që Chelsea ndjekë për sezonin e ardhshëm - secili më i mirë se tjetri

Premier League
Klubi i famshëm anglez buzë humnerës për shkak të problemeve financiare

Klubi i famshëm anglez buzë humnerës për shkak të problemeve financiare

Premier League
Mega ofertë nga gjiganti evropian për Alonson - 23 milionë euro pagë në vit

Mega ofertë nga gjiganti evropian për Alonson - 23 milionë euro pagë në vit

Bundesliga
Kalo në kategori