Tentuan ta godisnin Mohamed Salahun, tifozët në Sierra Leone futen në fushë – ushtria u desh ta ruajë yllin egjiptian

Ylli i Liverpoolit, Mohamed Salah, pati fatin të shmangë lëndimet pasi u sulmua nga tifozët që u futën në fushë gjatë ndeshjes kualifikuese të Egjiptit për Kupën e Botës ndaj Sierra Leones.

Egjipti doli fitimtar me Trezeguet që shënoi dy herë në fitoren 2-0 që i ka vendosur në krye të Grupit A me 6 pikë nga dy ndeshje.

Salah luajti 90 minutat e plota për vendin e tij, por gjithçka nuk shkoi mirë. Tifozët vendas u futën në fushë duke dhuruar skena tronditëse në Sierra Leone.

Madje aty krisën edhe grushtet, pasi tifozët u përpoqën t’u afroheshin superyjeve – me disa që kishin synim të qartë Salahin.

🚨🎥| Liverpool’s Mohamed Salah almost gets attacked by opposition fans who ran into the pitch during the match, Sierra Leone vs Egypt. 😦

pic.twitter.com/9xGOOCDinN

— TTS. (@TransferSector) November 19, 2023

Me intervenimin e stafit të sigurisë tifozët mysafirët u larguan nga fusha e lojës.

Salah u mbrojt nga shokët e skuadrës dhe disa pjesëtarë të stafit të sigurisë, pasi tifozët u nisën drejt tij duke mos i lënë çdo kontakt fizik. Madje pas një kohe u futën në fushë edhe ushtria, që e ruajtën me armë të gjata.

If anyone is worrying Salah is fine 🙌🤍 he left the pitch with security. I think they were just fans wanting a hug. pic.twitter.com/YCPWJaqGMk

— Nuna (@NaiiLFC) November 19, 2023

Salah do të rikthehet në aksionin të shtunën, kur Liverpool do të udhëtojë te Manchester City. /Telegrafi/

Look at the security that Salah has around him 🤯pic.twitter.com/sNZcYbWIGJ

— Anything Liverpool (@AnythingLFC_) November 19, 2023