Sulmuesi suedez, Zlatan Ibrahimovic, është pezulluar për një ndeshje pas goditjes me shpatull ndaaj mbrojtësit spanjoll, Cesar Azpilicueta, në ndeshjen e të dielës.

Me golin e Alvaro Moratas, Spanja i siguroi tri pikët dhe kualifikimin në Kampionatin Botëror, ‘Katar 2022’.

Gjesti i 40-vjeçarit është komentuar shumë në media sociale lidhur me frustrimin e tij në raport me mbrojtësin e Chelseat.

Ibra hyri në fushë pas minutës së 73-të, mirëpo në minutën e dytë shtesë (90’+2) e humbi qetësinë duke e goditur dhunshëm me shpatull futbollistin kundërshtar.

Vjen reagimi i Azpilicuetas për veprimin e shëmtuar të Ibrahimovicit ndaj tij Vjen reagimi i Azpilicuetas për veprimin e shëmtuar të Ibrahimovicit ndaj tij

Gjyqtari Felix Brych nuk pa asgjë, ndërsa nuk ndëehyri as VAR-i. Mirëpo, nga raporti i ndeshjes është mësuar se sulmuesi është ndëshkuar për incidentin dhe do të mungojë për ndeshjen e parë të ‘play-offit’ që zhvillohet në muajin mars.

“Zhvilluam një ndeshje të mirë, jemi të zgjënjyer që nuk përfunduam të parët (në grup). Por, duhet të jemi pozitivë”.

“A jam i skualifikuar për ndeshjen e parë të ‘play-offit’ për Kampionatin Botëror? Do të shohim se çfarë do të ndodhë, nuk e di nëse do të jem gjallë për ‘play-off'”, ka thënë Ibrahimovic për Calciomercato.com. /Telegrafi/