Kryetari i Komunës së Gostivarit, Arben Taravari i është drejtuar me një letër publike kryeministrit të Maqedonisë Zoran Zaev duke i thënë se BDI-ja po e merr në qafë dhe po e bënë të duket si Nikolla Gruevski, shkruan Telegrafi Maqedoni.
”Letër e hapur për z.Zoran Zaevin,
Përshëndetje Zoran, uroj që letra ime të të gjej mirë! Ka dy gjëra që dua t’i theksoj që në fillim të letrës time:
E para letra është e hapur sepse ndoshta nga rreshtat e saj kupton gjithë “blloku” qeveritar që është me rëndësi të kuptoj dhe, e dyta, letra të drejtohet në emër personal, jashtë postit që mban, pasi mendoj se ka nevojë të kthehesh te Zorani. Vetëm një Zoran i ndërgjegjshëm mund të ndaloj shthurjen e kryeministrit, post të cilin ta ka dhënë populli.
Tani, me të drejtë, do thuash- ç’është kjo letër e Arbenit?! Do më ketë shkruar ndonjë ankesë…le të merret me BDI-në! Çfarë ka me mua?! Unë politikë bëj…Çfarë t’i bëj Nevzatit?! Ai bën si fëmij! Ka inat ndaj qytetit që nuk e zgjodhi dhe i bën keq banorëve tani!
Zoran, e para deri në 27 prill të 2017-ës ne kemi luftuar bashkë kundër keqpërdoruesve të pushtetit, ata ishin Gruevski-Ahmeti. Sipas denoncimeve të tua të guximshme deri diku,ne kuptuam që binomi Ahmeti-Gruevski (nuk dua të them BDI dhe VMRO se ka njerëz të pafajshëm tek të dy krahët), pra kuptuam që ky binom nuk ishte vetëm ideologjikisht kundër nesh, por nga “bombat” që lëshove kuptuam që edhe janë të implikuar në krime të rënda kundra njeriut duke sajuar gjykime të rreme, duke zhvilluar masakra ekonomike!
Kështu, natën e frikshme të 27 prillit, ku kryetari i partisë time Zijadin Sela rrezikoi jetën krah teje, unë edhe mijëra shqiptarë, ishim gati të të dilnim për zot edhe ty që ishe në kërcënim gjithashtu!
Pra ti ishe një njeri që pavarsisht etnisë ndryshe, shqiptarët e rreshtuan në krahun e të mirëve!
Mirëpo ti pate një kusht të tmerrshëm për të marrë pushtetin, duhej të bashkëpunoje me një nga fajtorët që denoncoje vet, me Ahmetin! Ahmetin dhe “DUI-in” që ti i ulje dhe i ngrije Fajtorë, që thoje se ka përgjime që i akuzojnë keq, pikërisht ata!
Këtu sipas teje filloi Politika, këtu sipas meje filloi Hipokrizia!
Ti je në bashkëpushtet me ata të cilët morën pjesë në funeralin politik të partnerit të tyre, tani po fillojnë të përgatisin sipas meje tëndin!
Zaev shqiptarët nuk të duan! As maqedonasit! As Turqit!
Është deklaratë e rëndë dhe më vjen keq por të paktën unë flas për 100 mijë banorët e Gostivarit!
Sipas kushteve në tavolinë BDI-ja të kishte kërkuar Bejtën fitues në Gostivar. Por populli nuk ra dakort me këtë kërkesë të BDI-së, Bejta humbi!
Tani i nderuari Zoran më thuaj:
A lihet një qytet me 100 mijë banorë pa buxhet për hatër të BDI-së?!
A i jepet një qyteti 1000 euro për një vitë gjithsej për kulturë?! Po edhe sikur në Afrikë të ndodheshim do kishte bërë ndonjë gjë UNESCO dhe do ishim të mbrojtur!
Je mbytur me skandale diktatoriale be Zaev! Me një kohë mendoja që je korrekt! Si shkon ti bën me dorën tënde 100 mijë armiq?!
Këto ditë pres të gjithë kompetencat e Arsimit nga Komuna e Gostivarit të transferosh pushtetit Qëndror!! Turp e poshtërim! Ç’do t’u thuash Europës dhe Amerikës që i shkon kundra strategjive të tyre?!
Po të merr në qafë BDI-ja!
E di ç’thotë populli për ty?!
Të quan që je në rrugë për t’u shëndruar në një Gruevski i ri! A nuk je. Unë jam neurolog dhe kam studiuar shumë për personalitetin njerëzor dhe ti nuk je si Gruevski, por ti shoqërohesh me njerëzit e gabuar dhe rrezikon të bëhesh! Aktualisht po shkon poshtë e më poshtë!
Zoran, të kujtoj që punon si Kryeministër i shtetit, ndaj thirri mendjes dhe mos u bë si Gruevski! Çfarë bën kështu?!Ti sikur po luan oksan dhe gurët janë populli i Gostivarit! Le njëherë po merr veten në qafë!
Dhe për fund Zoran i nderuar:
Punën e Kryeministrit ta besojë populli, mos luaj me të! Sidomos tani është shumë e rrezikshme për fatin e shtetit të luash me popullin! Të fala nga Gostivari!” shkruan Taravari. /Telegrafi/
Promo
Reklamo këtuLufta Prigozhin - Putin
Më shumëSerwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
Një muaj paraburgim për shqiptarin nga Kosova të arrestuar në Serbi
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel