Është një luftë e hapur mes Mauro Icardit dhe Interit, pasi klubi paralajmëroi se ai nuk do të luajë asnjë minutë të vetëm, ndërsa sulmuesi thuhet se dëshiron vetëm Juventusin dhe mund të padisë Nerazzurrët.

Në momentin kur Antonio Conte erdhi si trajner, u konfirmua që Icardi dhe Radja Nainggolan ishin në shitje dhe nuk ishin pjesë e projektit.

Ndërsa Nainggolan po shkon drejt huazimit te ish-klubi i tij Cagliari, situata e Icardit mbetet jashtëzakonisht e tensionuar dhe e paparashikueshme.

Presidenti i Interit: Icardi është lojtar dhe njeri i madh, do të gjejmë një zgjidhje të mirë për të Presidenti i Interit: Icardi është lojtar dhe njeri i madh, do të gjejmë një zgjidhje të mirë për të

Sipas mediumit La Gazzetta dello Sport, të enjten drejtuesit si Beppe Marotta, Piero Ausilio dhe Lele Oriali të gjithë u ulën me Icardib dhe i thanë që nuk kishte shpresë të luante as një minutë futboll me Interin këtë sezon.

Takimi i drejtuesve me Icardi nuk ka rezultuar me zgjidhje, por vetëm me tension

Kjo nuk kaloi mirë dhe raportohet se Icardi është gjithnjë e më i bindur se ai do të largohet nga Nerazzurrët vetëm për Juventusin.

Nëse kjo nuk ndodh dhe ai lihet jashtë listës së skuadrës për ndeshjet e Serie A dhe Ligës së Kampionëve, por mund të shohim një veprim radikal në formën e një padie të paraqitur nga bashkëshortja dhe agjentja e sulmuesit, Wanda Nara.

Roma ofron 30 milionë dhe Dzekon për Icardin Roma ofron 30 milionë dhe Dzekon për Icardin

Roma dhe Napoli kanë pyetur Interin për disponueshmërinë e Icardit, së bashku me Arsenalin, por argjentinasi vazhdon të refuzojë çdo propozim.

Argjentinasi po mban peng të gjithë strategjinë e transferimeve të Nerazzurrëve, pasi pa u shitur ai, nuk do të ketë para për një qendërsulmues të ri apo ndonjë transferim tjetër. /Telegrafi/