Kampionati Botëror i FIFA-s “Katar 2022” do të jetë jo vetëm turneu i parë i këtyre përmasave që zhvillohet në botën Arabe, por do të jetë njëkohësisht kampionati me distancat më të shkurtra, duke bërë të mundur që tifozët të marrin pjesë në më shumë se një ndeshje në ditë.

Për të përballuar temperaturat e larta të stinës së verës, çdo stadium, impiant stërvitor dhe zonë tifozësh është e pajisur me teknologji ftohëse që operon me energji diellore, për ta mbajtur temperaturën në 27ºC. Të gjitha stadiumet janë pajisur me teknologji miqësore me mjedisin dhe temperatura e tyre do të jetë e kontrollueshme.

Reklama
Reklama

Katari është shtëpia e më pak se tre milionë njerëzve, kështu që strukturat sportive të trashëguara nga turneu do të menaxhohen me kujdes. Për këtë qëllim, organizatorët janë zotuar të ndërtojnë stadiume me elementë të lëvizshëm, të cilët do të rikonfigurohen pas turneut për të siguruar një trashëgimi të qëndrueshme të Kupës së Botës FIFA 2022, përtej kufijve të Katarit.

Reklama

Pas turneut, rreth 170 mijë ulëse do të çmontohen dhe do t’u dhurohen vendeve në zhvillim, për të ndihmuar në përmirësimin e infrastrukturës së tyre sportive. Pritet që me këto materiale të dhuruara të ngrihen rreth 22 stadiume të reja në vendet me ekonomi në zhvillim. Ky proces rikonfigurimi do ta lërë Katarin me stadiume me kapacitet nga 20 deri në 25 mijë vende, të cilat do të jenë të përshtatshme për të përmbushur nevojat e brendshme për argëtim.

Reklama

1- Stadiumi Al Bayt

Qyteti pritës:

Al Khor

Kapaciteti:

60 mijë

Gjendja e ndërtimit:

I gatshëm

Ndeshjet e planifikuara:

Ndeshja e hapjes dhe ndeshjet e tjera deri në gjysmëfinale

Projekt i Fondacionit “Aspire Zone”, ky stadium ka një kapacitet deri në 60 mijë spektatorë. Ai karakterizohet nga një strukturë unike, e cila është në formën e një tende gjigande që mbulon të gjithë stadiumin. Si i tillë, stadiumi mban emrin Al-Bayt, i frymëzuar nga “bayt al-sha’ar”, tenda tradicionale arabe e përdorur historikisht nga popullatat nomade në Katar dhe rajonin e Gjirit.

Reklama

Dizajni i stadiumit nderon të kaluarën dhe simbolizon të tashmen e Katarit, duke qenë një model i zhvillimit dhe qëndrueshmërisë së gjelbër. Pas turneut, pjesa e sipërme e stadiumit do të çmontohet dhe ulëset e hequra do t’u dhurohen vendeve të tjera.

Reklama

2- Stadiumi Ahmad Bin Ali

Qyteti pritës:

Al Rayyan

Kapaciteti:

40 mijë

Gjendja e ndërtimit:

I gatshëm

Ndeshjet e planifikuara:

Ndeshjet e grupeve dhe të fazës së 1/8-ave.

Stadiumi Ahmad Bin Ali ndodhet në qytetin Al Rayyan, në të dalë të kryeqytetit Doha. Për të nxënë 40 mijë spektatorë, ai është zgjeruar duke përdorur elementë të lëvizshëm në montimin e pjesës së sipërme të stadiumit, për të qenë gati në kohë për Kampionatin Botëror të futbollit FIFA 2022.

Stadiumi reflekton kulturën e Katarit përmes “fasadës së tij të valëzuar” spektakolare. Kapaciteti i tij do të reduktohet deri në 20 mijë vende pas turneut dhe ulëset e hequra do t’i dhurohen projekteve të zhvillimit të futbollit jashtë vendit.

Reklama
Reklama

 3- Stadiumi Al Janoub

Qyteti pritës:

Al Wakrah

Kapaciteti:

40 mijë

Gjendja e ndërtimit:

I gatshëm

Ndeshjet e planifikuara:

Ndeshjet e grupeve dhe të fazës së 1/8-ave.

Stadiumi Al-Janoub ndodhet në Al Wakrah, rreth 18 km larg kryeqytetit Doha dhe ka një kapacitet prej 40 mijë spektatorësh. Ai është pjesë e një kompleksi më të gjerë sportiv që përmban pista çiklizmi dhe kuajsh, dyqane, restorante dhe klube sportive.

Pas Kampionatit Botëror të Futbollit FIFA 2022, kapaciteti i stadiumit do të reduktohet në 20 mijë vende, duke garantuar një atmosferë elektrizuese për ndeshjet e Ligës së Katarit.

 4- Stadiumi Ndërkombëtar Khalifa

Qyteti pritës:

Doha

Kapaciteti:

40 mijë

Gjendja e ndërtimit:

Reklama

I gatshëm

Ndeshjet e planifikuara:

Ndeshjet e grupeve, fazën e 1/8-ave dhe ndeshjen për vendin e tretë.

Stadiumi Ndërkombëtar Khalifa u ndërtua fillimisht në vitin 1976, ndërsa u ridizenjua dhe u zgjerua më 2005-ën, për të shërbyer si qendra e Lojërave Aziatike 2006, të organizuara nga Katari.

Reklama

Në strukturën e tij, stadiumi përmban harqe të gjera dhe stenda të mbuluara pjesërisht. Ai konsiderohet si qendra e Aspire Zone, një kompleks sportiv ky që përbëhet nga Aspire Academy for Sports Excellence, Hamad Aquatic Center, ASPETAR Sports Medicine Hospital dhe një sërë strukturash të tjera sportive.

Nëpërmjet disa korridoreve të shkurtra, stadiumi komunikon me Muzeun 1, 2, 3 Olimpik dhe Sportiv të Katarit, për të nxjerrë në pah lidhjen dhe krenarinë e këtij vendi me të kaluarën e tij, ndërsa vazhdon udhëtimin drejt një të ardhmeje emocionuese.

Reklama

5- Stadiumi Education City

Qyteti pritës:

Al Rayyan (Education City)

Kapaciteti:

40 mijë

Gjendja e ndërtimit:

I gatshëm

Ndeshjet e planifikuara:

Ndeshjet e grupeve, fazën e 1/8-ave dhe çerekfinalet.

Stadiumi i ri Education City ndodhet në mes të disa kampuseve universitare të klasit botëror në Qendrën Globale të Katarit për Ekselencën, Education City.

Reklama

Stadiumi nxë deri në 40 mijë spektatorë dhe ka formën e një diamanti të dhëmbëzuar. Është lehtësisht i aksesueshëm nga tifozët ose nëpërmjet rrugës, ose përmes metrosë. Pas finaleve të Kampionatit Botëror, stadiumi do të mbajë 25 mijë ulëse, për t’u përdorur nga ekipet sportive universitare.

Për dekadat e ardhshme, Stadiumi Education City (i Fondacionit të Katarit) do të shërbejë si simbol i inovacionit, qëndrueshmërisë dhe përparimit, në përputhje me Vizionin Kombëtar të Katarit 2030 dhe synimet e Fondacionit të Katarit dhe Komitetit Suprem për Projektet dhe Trashëgiminë.

Reklama

6- Stadiumi Lusail

Qyteti pritës:

Doha

Kapaciteti:

80 mijë

Gjendja e ndërtimit:

Gati në përfundim, hapet së shpejti

Ndeshjet e planifikuara:

Të gjitha ndeshjet, përfshirë edhe ndeshjen finale

Ky stadium ndodhet në seksionin Al-Daayen, i cili është pjesë e planit të zhvillimit të Lusail City. Ai është një nga stadiumet kryesore të Kampionatit Botëror të Futbollit “Katar 2022” dhe do të presë ceremoninë përmbyllëse të turneut.

Reklama

Tifozët do të mund të arrijnë aty nëpërmjet rrugëve të rinovuara së fundmi, Metrosë së Dohas ose shërbimit të transportit të lehtë “Lusail Light Rail Transit”. Ndërkaq, ata mund ta kalojnë kohën e tyre nëpër parqe të ndryshme ose në parkun tematik (qyteti i argëtimit).

Reklama

7- Stadiumi 974

Qyteti pritës:

Doha

Kapaciteti:

40 mijë

Gjendja e ndërtimit:

I gatshëm

Ndeshjet e planifikuara:

Ndeshjet e grupeve dhe fazën e 1/8-ave.

Projekti i Stadiumit 974 është pionier në botën e ndërtimit të stadiumeve sportive. Ai përbëhet nga kontejnerë transporti dhe në të ardhmen do të çmontohet tërësisht, me qëllim që materialet e tij të përdoren sërish.

Stadiumi ndodhet disa minuta larg Aeroportit Ndërkombëtar Hamad, ndërsa vështron nga Bregu i Gjirit dhe pamjet piktoreske që ofron.

Reklama