Skuadra e parë e Juventusit tashmë ka përfunduar miqësoren e fundit para fillimit të sezonit 2018/19 në Serie A.

Lojtarët e Massimiliano Allegrit fituan ndaj skuadrës të së rinjve të Zonjës së Vjetër.

Kjo ishte edhe hera e parë që tifozët e Juventusit e shikuan në fushën e blertë Cristiano Ronaldon me fanellën bardhezi.

Interesimi për këtë ndeshje nga tifozët e Juves ishte mjaft i madh (Foto: Sky Sport)

CR7 me këtë rast ishte autori i golit të parë në takimin që përfundoi 5-0 në të mirë të Juventus A.

Por, përveç golit, portugezi për tifozët e pranishëm dhuroi dhe spektakël.

Ai provoi të shënojë në të gjithë mënyrat e mundshme, por nuk ia arrit të kënaqë tifozët me një tjetër gol.

Ronaldo luajti vetëm në pjesën e parë pasi në të dytën në vend të tij u fut Mario Mandzukic.

Ndeshja e parë e Juventusit në Serie A, ku pritet edhe debutimi i Ronaldos, është ndaj Chievos. /Telegrafi/