Southgate publikon listën e Anglisë për kualifikimet e ardhshme të Euro 2024, Alexander-Arnold listohet si mesfushor

Trajneri i Kombëtares së Anglisë, Gareth Southgate, ka publikuar skuadrën e tij për ndeshjet e ardhshme kualifikuese të Euro 2024 kundër Maltës dhe Maqedonisë së Veriut.

Tre Luanët tashmë kanë rezervuar vendin e tyre në turneun e verës së ardhshme në Gjermani, pasi mundën 3-1 Italinë në ndeshjen e tyre të fundit ndërkombëtare në tetor – një fitore që i zhvendosi ata tre pikë përpara Ukrainës në krye të Grupit C dhe tre të tjera përpara Azzurrëve.

Ekip i Southgate e pret Maltën në Wembley të premten e ardhshme përpara se të përballen me Maqedoninë e Veriut në Toshe Proeski Arena në Shkup të hënën, më 20 nëntor.

Coming up for the #ThreeLions in November: 🇲🇹 + 🇲🇰 pic.twitter.com/kbL0IXo9AL

— England (@England) November 9, 2023

Pas një fillimi mbresëlënës të sezonit të Ligës Premier me Aston Villa, Ollie Watkins ruan vendin e tij në skuadër së bashku me Jarrod Bowen, James Maddison dhe Callum Wilson.

Në listë gjenden edhe yjet e ekipit si Kyle Walker, Jude Bellingham, Phil Foden dhe Bukayo Saka.

Befasia duket të jetë ylli i Liverpoolit, Trent Alexander-Arnold, i cili është listuar si mesfushor në listën e fundit të Southgate.

Your #ThreeLions for their final camp of 2023! 💪

— England (@England) November 9, 2023

Portierë: Sam Johnstone, Jordan Pickford, Aaron Ramsdale

Mbrojtës: Levi Colwill, Lewis Dunk, Marc Guehi, Harry Maguire, Fikayo Tomori, Kieran Trippier, Kyle Walker

Mesfushorët: Trent Alexander-Arnold, Jude Bellingham , Conor Gallagher, Jordan Henderson, Kalvin Phillips, Declan Rice

Sulmues: Jarrod Bowen, Phil Foden, Jack Grealish, Harry Kane, James Maddison, Marcus Rashford, Bukayo Saka, Ollie Watkins, Callum Wilson.

/Telegrafi/