Sonte fillon edicioni i 62-të i Eurovizionit në Kiev

Në Kiev sot fillon edicioni i 62-të i Eurosongut. Në natën e gjysmëfinales do të marrin pjesë 18 vende.

Gara më e popullarizuar e muzikës evropiane sivjet mbahet në kryeqytetin e Ukrainës, Kiev, falë fitores së fituesit të vitit të kaluar Xhamala, i cili triumfoi me këngën “1944”. Kjo është hera e dytë që Ukraina të jetë organizatore e kësaj garë, pas vitit 2005.

Përfaqësuesja e Maqedonisë Jana Burçeska me këngën “Dance Alone” do të marrë pjesë e treta me radhë në natën e dytë të gjysmëfinales. Gjysmëfinalja e dytë është caktuar për të enjten, 11 maj, ndërsa finalja do të mbahet të shtunën më 13 maj.

Lexo po ashtu Lajmet e fundit rreth Eurovisionit

Lindita Halimi, këngëtarja që këtë vit përfaqëson Shqipërinë në Eurovizion do të prezantohet me këngën e saj “World”.

Në gjysmëfinalen e parë marrin pjesë: Suedia, Gjeorgjia, Australia, Shqipëria, Belgjika, Mali i Zi, Finlanda, Azerbejxhani, Portugalia, Greqia, Polonia, Moldavia, Islanda, Çekia, Qiproja, Armenia, Sllovenia dhe Letonia. Të drejtë vote do të kenë publiku dhe anëtarët e komisionit të jurisë nga vendet pjesëmarrëse, si dhe finalistët e drejtpërdrejtë nga Italia, Britania e Madhe dhe Spanja.

Në natën e gjysmëfinales së dytë të drejtë vote sërish do të ketë publiku dhe komisioni i jurisë nga vendet pjesëmarrëse të gjysmëfinales së dytë, si dhe finalistët e drejtpërdrejtë nga Gjermania, Ukraina dhe Franca. Midis pjesëmarrësve janë: Maqedonia, Austria, Serbia, Malta, Rumania, Holanda, Hungaria, Danimarka, Irlanda, San Marino, Kroacia, Norvegjia, Zvicra, Bjellorusia, Bullgaria, Lituania, Estonia dhe Izraeli.