Sindikata e Sektorit Privat vendos që nga java e ardhshme të protestojë

Udhëheqja e Sindikatës së Pavarur e Sektorit Privat të Kosovës në takimin e mbajtur me kryetarë të disa shoqatave, ka marr vendim që nga java e ardhshme të protestojnë.

Kryetar i kësaj sindikate, Jusuf Azemi, në një prononcim për media njoftoi se nga dita e martë deri të enjten të javës së ardhshme do të fillojnë me protesta, sipas tij mund të ketë edhe greva.

“Sot kemi ardhur të takohemi që të vendosim për fillimin e protestave apo fillimit të grevave, varësisht prej situatës që e kemi. Javën e ardhshme do të fillojmë me protesta, pavarësisht që kemi rritje solide nga disa kompani. Ne si sindikatë mendojmë që ditën e martë, mërkure dhe të enjten e javës së ardhshme, të jetë një protestë një orëshe, evatualisht dy orëshe dhe pastaj të premten të ulemi dhe t’i shohim rezultatet që na takojnë me ligj, pozitive apo çfarë do qoftë dhe pas javës tjetër të futemi në grevë”, tha Azemi.

Lexo po ashtu Punëtorët e sektorit privat kërcënojnë me protesta

Ai ka shtuar se paga prej 250 euro ka vdekur dhe se punëtorët duhet të paguhen hic më pak se 300 euro.

“Njoftojmë opinionin publik se paga prej 250 euro ka vdekur, ku kjo ka qenë e muajit dhjetor 2017, ndërsa tani e tutje të gjithë ata që dëshirojnë të marrin shërbime nga sektori privat, paga e tyre duhet të jetë 350 euro”, përfundoi ai. /Telegrafi/