Stuhitë kanë goditur sërish Sicilinë, e një person ka humbur jetën në mëngjes në komunën Modika në jug të Italisë, që gjithashtu u godit nga tornado.

Si pasojë e reshjeve të mëdha të shiut të rrëmbyeshëm janë shkaktuar dëme në shumë prona, e uji mbuloi rrugët duke detyruar autoritetet të mbyllin përkohësisht shkollat, transmeton Telegrafi.

Kjo është hera e dytë që brenda një muaji moti i ligë godet Italinë, e burri rreth 50-ve humbi jetën nga tornadoja që e goditi në afërsi të shtëpisë në qytetin Raguza.

Sicilia në gusht të këtij viti regjistroi temperaturat më të larta që ndonjëherë janë regjistruar në Evropë – 48,8 gradë celsius.

Reklama

Në anën tjetër autoritet e atjeshme thonë se temperatura e ujit rreth këtij ishulli, gjatë këtyre ditëve është më e nxehtë sesa zakonisht – duke nxitur kështu shirat e rrëmbyeshëm. /Telegrafi/

Reklama