Si e shiti Ronaldo Topin e Artë të fituar në vitin 2013 te njeriu më i pasur i Izraelit

Cristiano Ronaldo është lojtari i dytë me më shumë Topa të Artë pas Lionel Messit. Asi portugez ka pesë çmime individuale – të parën prej tyre e fitoi teksa ishte në Manchester United në vitin 2008 dhe më pas fitoi katër të tjera gjatë kohës së tij në Real Madrid në vitet 2013, 2014, 2016 dhe 2017.

Megjithatë, pas çmimit të madh individual të parë që ai mori me Real Madridin në vitin 2013, ka një histori interesante. Cristiano vendosi të dhurojë Topin e Artë për bamirësi dhe më vonë u hodh në ankand nga Fondacioni Make-A-Wish.

Sipas The Mirror, miliarderi izraelit Idan Ofer fitoi ankandin për të marrë trofeun, të cilin 37-vjeçari në atë kohë e dorëzoi pasi mori një kopje të tij, ndërsa origjinali u ekspozua në muzeun e tij në Madeira.

Biznesmeni izraelit, i cili ka qenë i përfshirë në botën e futbollit, fitoi atë që ishte Topi i Artë i dytë i Cristianos për 650,000 euro, më të hollat që shkuan në organizatën e fëmijëve, e cila ndihmon në ndryshimin e jetrave të fëmijëve me sëmundje të rënda dhe probleme të tjera.

Idan Ofer, një biznesmen miliarder 62-vjeçar nga Izraeli, që jeton në Angli, ka ndërtuar një pasuri të konsiderueshme kryesisht përmes bizneseve të tij ndërkombëtare të naftës dhe transportit. Ai është gjithashtu aksionari kontrollues në Israel Corp – një kompani që ai drejton e cila është e specializuar në kimikate, energji dhe transport.

Në vitin 2017, Ofer bleu 32 për qind të aksioneve në aksionet e Atletico Madrid dhe filloi aventurën e tij në futboll për t’u bërë më vonë pronari kryesor i ekipit portugez FC Famalicao, i cili ka kontribuar në rritjen e pasurisë së tij personale deri në dhjetë miliardë euro, një trashëgimi që ai ka ndërtuar falë pjesëmarrjes së tij të drejtpërdrejtë në botën e futbollit. /Telegrafi/

Cristiano Ronaldo SOLD his 2013 Ballon d'Or trophy to Israel's richest man Idan Ofer.

The £9.1 BILLION businessman paid £600,000 at a London auction to raise money for the charity Make-A-Wish in 2017.#seanknows pic.twitter.com/w8Kmuq8Ocx

— Sean Cardovillis (@seancardo) January 11, 2023