Kur e keni këtë sëmundje, trupi e ka më të vështirë shndërrimin e karbohidrateve të ushqimit në energji.
Kjo ndikon që sheqeri të mblidhet në gjak. Me kohën, kjo sëmundje jua rritë rreziqet e sëmundjeve të zemrës, verbërisë, dëmtimeve të nervave dhe organeve, si dhe të shumë sëmundjeve tjera serioze, transmeton Telegrafi.
Diabeti i prekë njerëzit e të gjitha moshave, ndërkaq simptomat e hershme me vështirësi vërehen. Në fakt, 1 në 3 persona me tip 2 të diabetit nuk e dinë se e kanë këtë sëmundje.
Çfarë do të vëreni së pari?
Personat me tip 2 të diabetit shpesh nuk kanë simptoma. Kur shfaqen, zakonisht shenjë e parë është etja e madhe. Simptomat tjera përfshijnë gojën e tharë, apetit më të madh, urinim më të shpeshtë, etj.
Simptomat e mëvonshme
Me rritjen e nivelit të sheqerit në gjak, ju mund të keni edhe probleme tjera si dhimbje koke, pamje të turbullt dhe lodhje.
Shenjat e problemeve më serioze
Në shumë raste, tipi 2 i diabetit nuk zbulohet derisa të fillojë të ndikojë seriozisht në shëndetin tuaj. Disa prej këtyre shenjave janë:
– Plagët që me ngadalësi shërohen
– Infeksionet e shpeshta urinare
– Kruarje të lëkurës.
Diabeti ndikon në jetën seksuale
Diabeti mund t’i dëmtojë enët e gjakut dhe nervat në gjenitale. Kjo mund të shpijë në humbje të ndjenjave seksuale dhe e bën të vështirë arritjen e orgazmës. Femrat me diabet janë më të rrezikuara të kenë tharje vagjinale.
Faktorët e rrezikut që nuk mund t’i kontrolloni
Faktorët tjerë të rrezikut, por që nuk mund t’i kontrolloni, janë.
– Raca apo etnia: Hispanikët, afrikano-amerikanët, amerikanët dhe aziatikët janë më të prirë të sëmuren
– Historia familjare me diabet: të pasurit një prind apo vëlla/motër me diabet, jua rritë shanset që edhe ju ta fitoni sëmundjen.
– Mosha: 45+ është mosha kur rritet rreziku për t’u diagnostikuar me tip 2 të diabetit.
Faktorët e rrezikut që mund t’i kontrolloni
Disa prej shprehive të shëndetshme dhe sëmundjeve që ndërlidhen me stilin e jetesës mund t’jua rrisin shanset për ta fituar këtë sëmundje, duke përfshirë:
– Mbipeshën
– Mungesa e aktivitetit fizik
– Pirja e duhanit
– Konsumimin e tepërt të mishit të kuq, mishrave të përpunuara, ëmbëlsirave dhe produkteve të bulmetit me shumë yndyrë
– Nivelet e pashëndetshme të kolesterolit dhe triglicerideve
Ushtrimet fizike janë të rëndësishme
Ushtrimet e rregullta fizike, siç janë ushtrimet e forcës apo ecja, jua përmirësojnë mënyrën si trupi e përdor insulinës dhe ndikojnë në zvogëlimin e niveleve të sheqerit në gjak. Aktiviteti fizik jua largon edhe yndyrën trupore, jua ulë shtypjen e gjakut dhe ju mbron nga sëmundjet e zemrës. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin