Në disa fotografi të publikuara nga The Telegraph shfaqen disa prej yjeve të famshëm botërorë para se të bëheshin të famshëm.

Në fotografitë e publikuara nga e përditshmja britanike janë përfshirë yjet, si Catherine Zeta-Jones, Daniel Craig, “Rolling Stones”, Tilda Swinton e Arnold Schwarznegger.

Këta të famshëm janë fotografuar nga John Stoddart në periudha të ndryshme dhe tani ai i ka nxjerrë në ankand për t’i shitur ato, transmeton Koha.net.

Në moshën 22 vjeçare, aktorja britanike Catherine Zeta-Jones kishte pozuar në hotelin ‘The Dorchester’, para se të shkonte në Hollywood.

Këto fotografi ishin bërë në vitin 1991, ndërsa fotoja është në ankand për një çmim afër dy mijë euro.

Në mesin e tyre paraqitet edhe Daniel Craig, dy vjet para se të ishte pjesë e filmit për James Bondin në “Casino Royal”.

Tilda Swinton shihet në një fotografi të vitit 1986, në moshën 26 vjeçare. Ajo më vonë kishte fituar çmimin Oscar dhe Bafta për rolin dytësor në rolin e avokates Karen Crowder.

Në ankand është i përfshirë edhe një imazh i aktorit Arnold Schwarzenegger në hotelin Meurice të Parisit nga viti 1988.

Pjesë e ankandit është edhe një fotografi e rok-grupit “Rolling Stones”.