Magazina Yjet

Shtëpia e Bardhë e fton reperen Nicki Minaj në takim pas deklaratave skandaloze për vaksinën anti-COVID?

Para 3 vitesh

Reperja Nicki Minaj thotë se është ftuar nga Shtëpina e Bardhë pasi publikoi një mori dezinformatash në Twitter në fillim të kësaj jave në lidhje me efektet anësore të vaksinës anti-COVID.

“Shtëpia e Bardhë më ka ftuar dhe mendoj se është një hap në drejtimin e duhur”, shkroi Minaj, 38 vjeçe, në Twitter të mërkurën pas një sasi të madhe polemikash të shkaktuara në rrjetet sociale.

Sidoqoftë, një zyrtar i Shtëpisë së Bardhë i tha Revistës People se administrata kontaktoi me Minajn për të ofruar edukim për shëndetin publik përmes telefonit dhe jo një vizitë personale, shkruan DailyMail.

“Ashtu siç kemi bërë me të tjerët, ne ofruam një telefonatë për Nicki Minaj dhe një nga mjekët tanë për t’iu përgjigjur pyetjeve që ajo ka në lidhje me sigurinë dhe efektivitetin e vaksinës”, tha zyrtari i Shtëpisë së Bardhë.

Ftesa për telefonatë vjen disa orë pasi Minaj gjoja u vendos në ‘burgun e Twitter’-it pasi shkeli rregullat e gjigantit të teknologjisë për ndarjen e dezinformatave në lidhje me vaksinën kundër COVID-19.

“Unë jam në burgun e Twitter-it. Ata nuk e pëlqyen atë që po thosha atje në atë bllok”, shkroi reperja e hitit “Turn me On” në Instagram të mërkurën.

Që nga ora 22:00 e mërkurë, llogaria e reperes duket të jetë aktive, por ajo nuk ka postuar në Twitter për më shumë se tri orë.

Twitter tha se postimet e Nicki Minaj nuk ishin në kundërshtim me politikën e platformës, por nuk komentoi nëse llogaria e saj ishte “ngrirë”.

Vërshimi i statuseve të reperes në Twitter në lidhje me vaksinat filluan me një postim në lidhje me Met Gala 2021 që u mbajt në Nju Jork të hënën, të cilin ajo nuk e mori pjesë për shkak të një kërkese e cila deklaroi se të gjithë pjesëmarrësit duhet të vaksinoheshin.

Minaj vazhdoi të shkruajë në Twitter për 22 milionë ndjekësit e saj se vaksina e kishte lënë mikun e një kushëriri në Trinidad ‘të pafuqishëm’ dhe me testikuj ‘të fryrë’, duke bërë që e fejuara e tij të anulonte dasmën e tyre.

“Kushëriri im në Trinidad nuk do ta marrë vaksinën pasi shoku i tij e mori dhe u bë i pafuqishëm. Testikujt e tij u ënjtën. Miku i tij ishte javë larg martesës, tani vajza e anuloi dasmën. Pra, thjesht lutuni për të dhe sigurohuni që jeni të kënaqur me vendimin tuaj, jo të ngacmuar”, vazhdoi reperi.

Minaj është përballur me reagime të mëdha për qëndrimet e saj në Twitter nga të famshëm, mjekë, madje edhe udhëheqës botërorë.

Ajo po u përgjigjej në mënyrë agresive kritikëve të saj në Twitter deri pak para se të pretendonte se llogaria e saj ishte pezulluar.

Dr. Anthony Fauci iu përgjigj shqetësimeve të Nicki Minaj për vaksinën, duke thënë se “nuk ka prova se kjo ndodh, as nuk ka ndonjë arsye mekaniste për të imagjinuar se do të ndodhte”.

“Ka shumë dezinformata, kryesisht në rrjetet sociale. Dhe mënyra e vetme për të kundërshtuar keqinformimin dhe dezinformimin është të siguroni shumë informacion të saktë dhe në thelb të hidhni poshtë këto lloj pretendimesh”, tha Fauci për CNN të martën kur u pyet nëse vaksinat mund të ndikojnë në shëndetin riprodhues.

Fauci tha se postimi i diskutueshëm i Minajt ‘mund të jetë i pafajshëm nga ana e saj’.

“Unë nuk e fajësoj atë për asgjë, por ajo duhet të mendojë dy herë për përhapjen e informacionit që me të vërtetë nuk ka bazë, përveç një anekdote të njëfishtë. Kjo nuk është shkenca”, tha Fauci.

CDC ka thënë: “Nuk ka dëshmi që vaksinat, përfshirë vaksinat COVID-19, të shkaktojnë probleme të fertilitetit mashkullor”.

Minaj nuk është tërhequr nga qëndrimet e saj kontroverse në Twitter dhe këmbëngul se ajo nuk dekurajon askënd që të vaksinohet, duke thënë se dëshiron të bëjë ‘hulumtimet’ e saj dhe është kundër detyrimit të vaksinave ndaj atyre që nuk i duan.

Edhe Kryeministri britanik Boris Johnson u përpoq, duke dënuar komentet e Minajt dhe duke u thënë gazetarëve se ai do të preferonte të dëgjonte më përpara mjekun kryesor të NHS (Shërbimi i Shëndetit Kombëtar në Mbretërinë e Bashkuar), Nikki Kanani për vaksinën ‘e mrekullueshme’ sesa reperen. /Telegrafi/