Legjenda amerikane e boksit, Floyd Mayweather, pëlqen ta ekspozojë pasurinë e tij që e ka fituar gjatë viteve, ndërsa së fundmi është mburrur me blerjen e shtatë veturave të reja luksoze.

Kampioni i pamposhtur ua ka treguar ndjekësve në Instagram disa pamje nga automjetet e tij të reja.

“Shtatë lodra për të shtatë ditët, tetë pjesëtarë të armatosur të sigurimit për 24 orë në ditë… pse jo?!”, shkruan në përshkrim.

Floyd Mayweather vendosi një bast prej 50 mijë dollarësh për humbjen e McGregor ndaj Poirier dhe e fitoi atë Floyd Mayweather vendosi një bast prej 50 mijë dollarësh për humbjen e McGregor ndaj Poirier dhe e fitoi atë

Ndër veturat e shtrenjta që mund të identifikoheshin, janë dy Rolls-Royce, një Lamborghini, një Ferrari, një Range Rover, një Bentley dhe një Maybach.

Mayweather gjithmonë është shfaqur si dikush i fiksuar pas parave, kjo është arsyeja pse e mori pseudonimin “Money Man” gjatë një karriere brilante në ring, ku mbeti i pamposhtur në më shumë se 50 duele.

Pasuria e tij vlerësohet në më shumë se 1.2 miliard dollarë, ndërsa 44-vjeçari shpesh mburret në publik me paratë, orët, bizhuteritë dhe gjësendet tjera të shtrenjta, derisa shpesh ka qenë objekt i kritikëve për këtë gjë. /Telegrafi/