Shqiptarja Ava Max pushton top-listat botërore, kënga e saj renditet në top 10 këngët më të dëgjuara të vitit në Apple dhe Shazam

Këngëtarja e re shqiptare me famë ndërkombëtare, Ava Max, ka arritur suksese të shumta këtë vit.

Ajo ka publikuar këngë të shumta të cilat janë pëlqyer shumë dhe kanë marrë miliona klikime në platformat muzikore si: YouTube, Spotify, Apple etj.

Në prag të fundvitit, tashmë kanë filluar edhe mbledhja e statistikave për thuajse çdo artist – për të parë arritjet e tyre.

Ava Max ka publikuar së fundmi në InstaStory, statistikat e nxjerra nga këngët më të dëgjuara të vitit në “Apple Music” si dhe ato që janë kërkuar më së shumti në Shazam.

Rezultatet duket të jenë të shkëlqyera për artisten, e cila ka arritur të futet në listën e 10 më të mirëve në të dyja këto lista.

Lexo po ashtu Bebe Rexha është e pesëmbëdhjeta artiste femër më e dëgjuar e vitit 2019 në Spotify

Ajo është renditur e 10-ta në listën e “Apple Music” për “Këngët më të dëgjuara të vitit”, falë këngës së saj shumë të suksesshme “Sweet but Psycho”.

Me po të njëjtën këngë, Ava Max është renditur e nënta në listën e nxjerrë nga Shazam për këngët më të kërkuara gjatë vitit në këtë aplikacion.

“Çmenduri”, ka shkruar shqiptarja në mbishkrimin e një prej fotografive, ndërsa duket të jetë tejet e lumtur për suksesin e arritur këtë vit. /Telegrafi/