Shprehu pëlqim për Granitin dhe bëri bujë të madhe me veprimet e saj brenda shtëpisë, Fifi: Nuk merrem fare me atë që ka ndodhur

Marrëdhënia e Fifit me ish-futbollistin Granit Cana bëri bujë të madhe brenda shtëpisë së Big Brother VIP.

Derisa ishin së bashku në shtëpinë më të madhe në Shqipëri, 27-vjeçarja shprehu një pëlqim për të, ndërsa nuk mori të njëjtën gjë nga konkurrenti tjetër, ndonëse u krijuan edhe shumë situata mes tyre.

Filloreta Raçi (emri i vërtetë) ka qenë e pranishme në Post Big Brother, ndërkaq ka folur edhe për këtë pjesë.

Ajo thotë se pas daljes e kishte kuptuar që do të ishte shumë më mirë që të mos merrej fare me të.

“Unë nuk i rishikoj fare, nuk merrem fare me atë që ka ndodhur brenda. Mbase them në fillim kur kam dal kam thënë që më mirë të mos isha marrë fare me atë gjënë, do të isha shumë më mirë”, theksoi Fifi.

Lexo po ashtu Të gjitha lajmet nga Filloreta Raçi Fifi

“Kanë ndodhur ato gjëra dhe kam kuptuar shumë gjëra të tjera që janë të rëndësishme për t’i vlerësuar dhe për t’i ruajtur, thjesht jam shumë e lumtur që isha pjesë e Big Brother”, ka thënë më tej artistja.

Fifi tani po shijon një lidhje të re dashurie me biznesmenin nga Shqipëria, Adis Patushin, i cili ka qenë i martuar më parë me modelen Adrola Dushi. /Telegrafi/