Shpjegimi se si taktikat e Guardiolas shkatërruan mesfushën e Real Madridit në gjysmëfinalen e Ligës së Kampionëve

Pep Guardiola dha një ‘masterklasë’ taktike për t’u siguruar që mesfusha e njohur botërore e Real Madridit të mos kishte asnjë shans kundër Manchester Cityt në ndeshjen e dytë gjysmëfinale të Ligës së Kampionëve.

Asnjë ekip nuk është aq sinonim i Ligës së Kampionëve sa Real Madridi dhe për dekadën e fundit ai dominim i ka parë ata të fitojnë titullin pesë herë.

Megjithatë, të mërkurën mbrëma, City i trajtoi kampionët në fuqi sikur të ishin thjesht një ekip i ligës më të ulët angleze ose një skuadër me të cilën do të ndeshej në një raund të hershem të Kupës Carabao.

Në veçanti në pjesën e parë, skuadra angleze ishte absolutisht dominuese dhe mysafirët ishin disi me fat që pranuan vetëm dy gola nga Bernardo Silva.

City ishte aq i mirë sa nuk kishte nevojë as që Erling Haaland të ishte në formë, edhe kur Thibaut Courtois duhej të bënte disa pritje të shkëlqyera për të mohuar norvegjezin.

Kevin De Bruyne ishte gjithashtu larg nga më i miri për skuadrën e Guardiolës, madje duke përfunduar në një debat me menaxherin e tij për udhëzimet për të pasuar topin.

Pavarësisht se dyshja e famshme e mesfushës së Realit, Toni Kroos dhe Luka Modric, me 10 tituj të Ligës së Kampionëve së bashku, nuk mundën të hynin në lojë.

Tani është shpjeguar se si taktikat e Guardiolës çarmatosën plotësisht dy legjendat në mes të fushës për skuadrën e Carlo Ancelottit.

“Çelësat? Roli i Stone. Dhe Rodri. Në fazën e mbrojtjes, Stones ishte një tjetër qendërmbrojtës, duke formuar një linjë katërshe, por në fazën sulmuese, Stones ishte afër pozicionit të Rodrit, duke vepruar si pivot i dyfishtë”, ka shpeguar fillimisht Juez Central në Twitter.

“Kështu, Rodri u lirua dhe mund të mobilizohej dhe të kishte më shumë liri për të luajtur me topin. Nga ana tjetër, kur Stones ngjitej në qendër, qendërmbrojtësit e Cityt kishin deri në gjashtë opsione për pasimin e parë: gjithmonë ishte dikush i lirë”.

De cómo Pep Guardiola logró destrozar el mediocampo Del Real Madrid.

¿Las claves? El rol de Stones. Y Rodri.

En fase defensiva, Stones era un central más, formando una línea de 4. Pero en fase ofensiva, Stones se iba cerca a la posición de Rodri, haciendo de doble pivote. Así,… pic.twitter.com/bntlSrhfoF

— Juez Central (@Juezcentral) May 18, 2023

“Ishte një 3-6-1 në fazën sulmuese, që i mundësoi Cityt të kishte gjithmonë epërsi në mesfushë”, përfundoi shpjegimin e tij faqja e njohur.

Në pjesën e dytë, nga dominimi dhe loja, Modric u largua për Antonio Rudiger, përpara se Kroos të zëvendësohej nga Marco Asensio. /Telegrafi/