Sheikh Jassim mund të investojë në klubin e Ligës Premier për të krijuar rival të ri financiar për Man Utd

Jassim bin Hamad bin Khalifa Al Thani i njohur ndryshe si Sheikh Jassim thuhet se mund të investojë në një klub krejt të ri të Ligës Premier pasi humbi mundësinë për të blerë Manchester United këtë verë.

Miliarderi nga Katari dhe fondacioni i tij Nine Tëo u tërhoqën nga gara për të blerë Djajtë e Kuq muajin e kaluar pas një lufte të stërzgjatur ofertash blerjesh me britanikun Sir Jim Ratcliffe.

United që atëherë ka pranuar ofertën e Ratcliffe për 25 për qind të aksioneve në klub si pjesë e një blerjeje të organizuar nga pronarët aktualë, familja Glazers.

Megjithatë, Jassim mund ta rregullojë fokusin e tij te klubi tjetër i LigësPremier, West Ham United, si pjesë e një komploti hakmarrës ndaj Unitedit.

Kjo është sipas mediumit The Times, i cili konfirmoi se bashkëpronarja e Hammers, Vanessa Gold njoftoi se po vendos disa aksione të klubit në shitje.

Gold mori 25 për qind të pronësisë së klubit pas vdekjes së babait të saj David në janar, dhe tani po kërkon të shesë deri në dhjetë për qind të aksioneve të saj, nëse personi i duhur është i interesuar.

Sheikh Jassim turns to West Ham https://t.co/tiv72xc4df

— Tribal Football (@tribalfootball) November 2, 2023

“Unë do të konsideroja shitjen e një pjese të aksioneve tona tek partneri i duhur. Kam folur me secilin nga tre aksionerët e tjerë kryesorë të West Ham United, David Sullivan, Daniel Kretinsky dhe Tripp Smith, të cilët kanë qenë shumë mbështetës”.

“Çdo transaksion për të blerë disa nga aksionet tona do të jetë me trashëgiminë e babait tim në ballë të mendjes sime, e cila, natyrisht, i jep përparësi West Ham Unitedit të tij të dashur”.

“Kam emëruar Rothschild & Co për të na këshilluar për çdo diskutim dhe do të mbaj të përditësuar aksionarët e tjerë, klubin dhe mbështetësit tanë për çdo zhvillim të rëndësishëm”, ka thënë ajo.

Mbetet për t’u parë nëse Jassim do të ishte i interesuar të investonte në West Ham, pasi më parë ishte lidhur me një lëvizje për të blerë Tottenham Hotspur muajin e kaluar.

Megjithatë, dera është sigurisht e hapur për një investitor me llojin e fuqisë financiare të Katarit. /Telegrafi/