0Shares

Real Madrid ka shënuar fitore në takimin e parë të fazës pas grupore në Ligën e Kampionëve.

Madrilenët triumfuan para shikuesve të vetë në saje të tre golave të shënuar dhe një të pranuar kundër Paris Saint-Germain.

Reali tregon kush është kampioni, nënshtron PSG-në në Bernabeu Reali tregon kush është kampioni, nënshtron PSG-në në Bernabeu

Pas takimit ka folur kapiteni i vendasve, Sergio Ramos, i cili ka pohuar se asgjë s’ka përfunduar dhe se duhet përqendrim maksimal në Paris.

“Real Madridi kurrë nuk duhet të llogaritet i vdekur. Ka ditë që mbeten për t’u kujtuar dhe mënyra më e mirë ishte të bëhet me personalitet. Është një fitore e rëndësishme për rikthim.”

“Çdo gabim mund të na lërë jashtë dhe në Paris duhet të mbajmë përqendrimin maksimal. Kemi qenë më efektiv se javë më parë”.

“Ne kemi vuajtur pak me gabimet dhe se lojtarë e tyre ishin të shpejtë, por ne i rikuperuam. Sa i përket penaltive, topi më godet në gjoks dhe në krah. Ne kemi bërë një hap të rëndësishëm, por ndeshja është e hapur. Duhet të vazhdojmë të punojmë”, tha spanjolli.

Ish-gjyqtari spanjoll, Iturralde Gonzale: Nuk ishte penalti në rastin e Toni Kroosit Ish-gjyqtari spanjoll, Iturralde Gonzale: Nuk ishte penalti në rastin e Toni Kroosit

Ndryshe, takimi i ardhshëm mes këtyre dyja skuadrave do të zhvillohet më 6 mars, në stadiumin Parc de Princes. /Telegrafi/

Të Ngjajshme
Shfaq Komentet (0)