Serena vuan nga ‘depresioni pas lindjes’: Ndihem sikur nuk jam nënë e mirë

Serena Williams ka bërë të ditur se vuan nga depresioni pas lindjes dhe se humbja e saj në San Jose më 31 korrik ka pasur të bëjë me gjendjen shëndetësore të tenistes.

“Java e kaluar nuk ka qenë e lehtë. Nuk ka pasur të bëjë vetëm me çështjet e vështira personale, kam pasur shumë frikë”.

“Shumicën e kohës jam ndier se nuk jam nënë e mirë. Kam lexuar disa tekste, ku shkruan se depresioni pas lindjes mund të zgjasë deri në tre vjet”.

Lexo po ashtu Lajmet për Serena Williams

“Mendoj se komunikimi është zgjidhja më e mirë. Duke biseduar me nënën, motrat dhe miqtë, mësova se këto ndjenja janë krejtësisht normale”, ka shkruar Williams në rrjetet sociale.

Last week was not easy for me. Not only was I accepting some tough personal stuff, but I just was in a funk. Mostly, I felt like I was not a good mom. I read several articles that said postpartum emotions can last up to 3 years if not dealt with. I like communication best. Talking things through with my mom, my sisters, my friends let me know that my feelings are totally normal. It’s totally normal to feel like I’m not doing enough for my baby. We have all been there. I work a lot, I train, and I’m trying to be the best athlete I can be. However, that means although I have been with her every day of her life, I’m not around as much as I would like to be. Most of you moms deal with the same thing. Whether stay-at-home or working, finding that balance with kids is a true art. You are the true heroes. I’m here to say: if you are having a rough day or week–it’s ok–I am, too!!! There’s always tomm!

A post shared by Serena Williams (@serenawilliams) on Aug 6, 2018 at 3:24pm PDT

Ajo ka thënë më herët se duelin ndaj Johanna Kontas (nga e cila humbi 6-1, 6-0 për vetëm 52 minuta), ka mundur ta luajë shumë më mirë. Ndërsa beson se gjithçka ka pasur të bëjë me gjendjen e shëndetit të saj mendor.

Depresioni pas lindjes (PPD) që quhet edhe depresioni postpartum ose postnatal, është një formë e çrregullimit të disponimit pas sjelljes në jetë të fëmijës, i cili përfshin kryesish nënat, por nuk përjashtohen as baballarët. Në kuadër të simptomave mund të jetë pikëllimi ekstrem, energjia e ulët, ankthi, episodet me të qara, ngacmueshmëria dhe çrregullimet e gjumit ose ushqyerjes.  

“Angazhohem mjaft, stërvitem dhe përpiqem të bëhem teniste sa më e mirë. Edhe pse jam me fëmijën tim çdo ditë, nuk jam me të aq sa dua të jem. Shumë nëna përballen me të njëjtin problem”.

“Qoftë nëse punoni apo qëndroni në shtëpi, kërkimi i baraspeshës me fëmijët, është art i vërtetë. Ju jeni heroina. Desha të them se nëse keni pasur një ditë ose javë të vështirë, është në rregull. Edhe unë kam pasur. gjithmonë ekziston e nesërmja”, iu është drejtuar Williams nënave tjera.

Serena u bë nënë e një vajze më 1 shtator të vitit të kaluar. /Telegrafi/