Një grup senatorësh amerikanë i kërkuan administratës së presidentit Joe Biden, që të marrin masa urgjente për të siguruar vazhdimin e misionit ushtarak ndërkombëtar në Bosnje e Hercegovinë, pasi vlerësuan se situata në atë vend është serioze dhe se stabiliteti i këtij vendi po kërcënohet më tej nga veprimet shkatërruese të Rusisë.

Reklama

Senatorët Jean Shaneen, Chris Muprhy, Thom Tillis dhe Roger Wicker, i dërguan një letër të përbashkët Sekretarit të Shtetit, Antony Blinken dhe Sekretarit të Mbrojtjes, Lloyd Audin, duke rikujtuar se nëntori mund të përfaqësojë një periudhë kritike për Perëndimin lidhur me Bosnjë e Hercegovinën, transmeton Telegrafi.

Ata rikujtuan se muajin e ardhshëm Këshilli i Sigurimit të OKB-së, duhet të vendosë nëse do të zgjatet mandati i misionit ushtarake të Bashkimit Evropian në BeH të quajtur “Althea”.

Reklama
Reklama

Ata angazhohen fuqishëm për zgjatjen e këtij misioni, me vlerësimin se është e nevojshme që forcat e EUFOR-it në Bosnje e Hercegovinë të vazhdojnë të veprojnë me mandatin ekzekutiv të paqeruajtjes, dhe për këtë të sigurojnë të paktën 1.100 ushtarë në terren.

Senatorët vlerësuan se SHBA-të duhet të angazhon më shumë në mënyrë që ky mision të jetë sa më efektiv dhe t’i ofrojë BeH më shumë sesa mbështetje logjistike dhe stërvitje ushtarake.

Ata konsiderojnë si shumë të rëndësishme duke pasur parasysh faktin se vitin e kaluar, lideri i serbëve të Bosnjës, Millorad Dodik, intensifikoi retorikën e tij duke kërcënuar me ndarjen e Republika Srspkas nga Bosnja e Hercegovina. /Telegrafi/