Sëmundja nga e cila vuan i dashuri i Dua Lipës, Anwar Hadid

Këngëtarja shqiptare me famë internacionale, Dua Lipa, në qershor të këtij viti nisi një lidhje të re, e cila është komentuar dhe vazhdon të komentohet shumë në media.

Ajo është në një romancë me vëllanë e vogël të motrave Bella e Gigi Hadid, Anwar Hadid, që nga muaji qershor kur edhe u takuan me njëri-tjetrin në Los Angeles.

Flitet edhe tash e sa muaj sipas burimeve të The Sun, që çifti kanë marrë së bashku një apartament me qira në New York.

Sa i përket Anwarit, familja e tij Hadid është shumë e njohur mbarë botërisht.

Ata nuk hezitojnë që t’i tregojnë edhe problemet e tyre shëndetësore, pasi tashmë është bërë e ditur se nga cila sëmundje vuan i dashuri i Duas.

Nëna e tij, Yolanda Hadid, ka bërë të ditur se Bella dhe Anwar vuajnë nga sëmundja Lyme.

Ajo kishte deklaruar në një intervistë për The Real Housewives of Beverly Hills: “Unë kam dy fëmijë që kanë sistem të imunitetit të shtypur … Të dy Bella dhe Anwar kanë sëmundjen Lyme … Ne jetuam në një fermë me kuaj. Ne kishim rriqëra kudo, çdo ditë të jetës sonë”, ka thënë ajo.

Sipas CDC, një person mund t’i nënshtrohet sëmundjes Lyme nëse kafshohet nga një rriqër me këmbë të zeza që është infektuar me baktere të caktuara që shkaktojnë sëmundje.

Kur një person merr këtë sëmundje Lyme, ai / ajo do të përjetojë simptoma të ngjashme me gripin, megjithëse nëse nuk trajtohet, bakteret mund të infektojnë pjesë të tjera të trupit si zemra, nyjet dhe sistemi nervor. Kjo mund të shkaktojë lodhje serioze, dhimbje trupi dhe probleme kognitive. /Telegrafi/