Schwarzenegger me mesazh për respektimin e masave dhe vaksinimin

Arnold Schwarzenegger ka publikuar një video në rrjetet sociale për t’ua rikujtuar njerëzve coronavirusin dhe respektimin e masave mbrojtëse.

“E vetmja mënyrë për ta parandaluar atë është vaksinimi, mbajtja e maskave, distancimi shoqëror dhe larja e rregullt e duarve, dhe jo mendimi se iu është shkelur disi liria. Jo, ju po e nëpërkëmbni lirinë tuaj”, është shprehur aktori.

Ai shtoi se fakti që njerëzit duan liri nuk është një justifikim për mosrespektimin e rregullave.

View this post on Instagram

A post shared by Arnold Schwarzenegger (@schwarzenegger)

“Po, ju keni lirinë të mos vendosni një maskë, por je budalla nëse nuk e mban atë, sepse duhet t’i mbroni të gjithë rreth jush”.

“Nuk dua të paraqes askënd si keqbërës, por thjesht dua t’u them të gjithëve se duhet të ndalojmë së luftuari njëri-tjetrin dhe të fillojmë të punojmë së bashku, sepse virusi ekziston dhe është më mirë të vaksinohemi dhe të vendosim një maskë”, ka theksuar ylli i filmave aksion.

Videoja e tij ngjalli shumë reagime – derisa disa fansa shkruanin se ishin dakord me të, të tjerët i thanë aktorit se i zhgënjeu me këtë postim. /Telegrafi/