Trajneri i Sampdorias, Claudio Ranieri ka konfirmuar se ishte ideja e tij për t’i dhënë Interit ‘korridorin e nderit’ pas suksesit të tyre në Serie A, ku fituan Scudetton katër ndeshje para mbylljes së rregullt të sezonit 2020/21.

Interi ka shënuar fitore të thellë ndaj Sampdorias me rezultat 5-1 në ndeshjen e vlefshme për javën e 35-të në Serie A.

Golat në këtë ndeshje u shënuan nga Roberto Gagliardini (4’), Alexis Sanchez (26’, 36’), Andrea Pinamonti (61’) dhe Lautaro Martinez (70’), ndërsa për mysafirët shënoi Keita Balde (34’).

Interi fiton me stil kampioni, feston titullin duke i shënuar pesë gola Sampdorias Interi fiton me stil kampioni, feston titullin duke i shënuar pesë gola Sampdorias

Megjithatë, vëmendja u ‘vodh’ nga gjesti i klubit të Samporias para-ndeshjes, ku vendosën t’i nderojnë kampionët e ri të Italisë duke ia bërë ‘korridorin e nderit’.

Lojtarët dhe stafi i Sampdorias qëndronin në të dy anët e fushës për t’i dhënë Kampionëve të Italisë një ‘korridor nderi’, diçka që shihet shpesh në Angli, por rrallë në Itali.

Në mënyrë të pashmangshme, ishte ideja e trajnerit Ranieri, një zotëri i cili kaloi shumë vite në Ligën Premier, ku edhe u shpall kampion me Leicester Cityn.

“Unë i thashë Quagliarellas dhe djemve se do të ishte mirë të bënim këtë gjë, ashtu siç e bëjnë në Angli, dhe ata menjëherë ranë dakord me mua”, ka thënë fillimisht Ranieri.

“Ky është sporti. Unë besoj se sporti duhet të jetë në këto gjeste të vogla, veçanërisht për një ekip që fitoi katër ndeshje para fundit.

“Ne e patëm atë në Leicester, duke marrë ‘korridorin e nderit’ në Chelsea në ndeshjen tjetër”, përfundoi trajneri italian. /Telegrafi/